sakanako mintzakide

TALDEA BIKOIZTUKO DA!

2012-02-13T11:48:00.001+01:00

2011-2012 denboraldia hasi zenetik, Altsasuko ostegun arratsaldeko taldea handitu eta handitu egin da. Zorionez! Baina, elkarrizketa goxorako ez da oso egokia.

Hortaz, aurreko ostegunean zera probatzea erabaki zen . Astean bi hitzordu izatea. Orain arte bezala, OSTEGUNETAN eta orain ASTEARTEETAN ere bai.

Eta norberak aukera dezala zein egunetan agertu. Edo egun batean ezin bada, beti dago beste egunen bat agertzeko.

Egun batean edo bestean, beti norbait egon dadin taldekide pare batek bi egunetan agertzeko konpromisoa hartu zuten.

Ikusiko dugu emaitza!

BELEIXE IRRATIA SAREAN

2012-02-11T16:08:00.002+01:00

Sakanako Mintzakideoi asko gustatzen zaizkigu Guaixe astekaria eta Beleixe irratia.

Askotan agertzen gara bai batean, bai bestean.

Euskaraz bizitzen bidelagun ditugu.

Bere lehiaketetan parte hartzen dugu...

Eta orain pozik gaude, interneten ere Beleixe irratia entzuteko aukera daukagulako.

www.guaixe.net helbidean

ALTSASUKO INAUTERIAK HOBEKI EZAGUTZEN

2012-02-09T12:41:00.004+01:00

Heldu den larunbatean, hilak 18, Iruñeko Mintzakideak eta Sakanako Mintzakideak elkarrekin izanen gara.

Aitzakia Altsasuko inauteriak hobeki ezagutzea izanen da.

Egun horretan Altsasuko Zubiondo elkartean bilduko gara, eguerdian, eta inauteri komisioko Gorkak eta Jabik nahi adina azalpen emanen dizkigute.

OTSAILEKO BIGARREN SAIOA

2012-02-08T17:57:00.002+01:00

Euskarazko letren hileko bigarren hitzordua bertan da.

Eta hemendik Txillardegiren, Jose Luis Alvarez Enparantzaren, obra ezagutzera gonbidatu nahi zaitu Kima euskara taldeak. Euskal literatura modernoaren oinarri izandakoaren lanen pasarteak dastatzeko aukera izanen da otsaileko bigarren Testu bazkan. Otsailaren 15ean, izanen da, asteazkenarekin. Ohi denez, 19:00etan, udal liburutegian.
Testu bazka-n aritzeko ez da literatura ezagutza espezifikorik edo prestaketa berezirik behar. Dena abantailak dira: euskaraz idatzitako lanak ezagutzeko aukera eskaintzen du; ez da etxerako lanik izanen, aurretik ez delako ezer irakurri behar, saioan bertan irakurtzen dira pasarte labur batzuk; saioak ez dira oso luzeak izaten eta, gainera, saio guztiak independenteak dira.

SAKANAKO MINTZAKIDEENDAKO IPUIN LEHIAKETA

2012-02-05T14:26:00.003+01:00

Sakanako euskaltegietako ikasleekin batera, heldu den asteetan lana daukate Mintzakideek.

LEHENA
Lehiaketa honetan euskalduntzen ari den Sakanako
edozein pertsonak har dezake parte, baita
eremu bereko Mintzakide programako parte-hartzaileek
ere.
BIGARRENA
3 maila ditu lehiaketak:
• 1. mailan B1 maila arteko ikasleek har dezakete
parte.
• 2. mailan, berriz, B2 maila arteko ikasleek.
• 3. mailan C1 maila arteko ikasleendako da.
Mintzakide programako parte-hartzaileek duten
ezagutzaren pareko mailan parte hartuko dute.
Horretarako propio azaldu beharko dute.
HIRUGARRENA
Lanak banaka egingo dira eta egile bakoitzak nahi
beste testu aurkez ditzake. Ipuin bakoitzak 100
hitz izango ditu, gehienez.
LAUGARRENA
Lehiaketak aurrera egiteko gutxienez 10 lan aurkeztu
beharko dira; bestela, bertan behera geldituko
da.
BOSGARRENA
Lanak euskara hutsean idatziko dira eta argitaratu
gabeak, jatorrizkoak eta beste edozein lehiaketetan
saririk jaso gabeak izanen dira.
SEIGARRENA
Indarkeria, sexismoa, arrazakeria edo bestelako
eskubide urraketak sustatzen dituzten lanak ez
dira onartuko.
ZAZPIGARRENA
Sakanari buruzko erreferentziaren bat sartzea
ezinbestekoa da (tokiak, gertakari historikoak…).
ZORTZIGARRENA
Ipuin bakoitzaren bi kopia aurkeztuko dira lehiaketara.
Ipuina gutun-azal itxi baten barruan sarturik
aurkeztuko da izenorde batez sinatua. Gutun
azalaren barruan beste gutun-azal itxi bat
sartuko da. Bertan egileak bere datuak eman beharko
ditu: izen-abizenak, telefonoa, helbidea eposta
eta ikasketa-maila. Lanak internet bidez
ere bidal daitezke euskara@sakana-mank.com
helbidera. Posta elektronikoz bidaliz gero, pdf
formatuan egon behar dute eta datu guztiak
beste dokumentu batean bidaliko dira.
BEDERATZIGARRENA
Sakanako Mankomunitateak izendatuko du
epaimahaia. Epaimahaiaren epaia apelaezina
izanen da.
HAMARGARRENA
Lanak martxoaren 3Oera arte aurkez daitezke Itsasi
euskaltegian edota Sakanako Mankomunitatean.
HAMAIKAGARRENA
Sariak eman gabe gera daitezke, baldin eta obrek
ez badute behar bezalako merezimendurik. Era
berean, sariak ex-aequo moduan banatu ahalko
dira lan batzuen artean.
HAMABIGARRENA
Aurkeztutako lanak Sakanako Mankomunitatearen
esku geldituko dira. Mankomunitateak lanak
argitaratzeko aukera gordeko du.
HAMAHIRUGARRENA
Maila bakoitzeko saridunek liburu sorta bat jasoko
dute.
HAMALAUGARRENA
Lehiaketan parte hartzeak oinarriak onartzea dakar
berarekin.

Bihar Sakanako euskarazko hedabideen aldeko elkartasun azokak

2012-02-03T20:19:00.003+01:00

Bihar euskarazko hedabideen aldeko elkartasun azokak
Sakanako ikastolek sustatuta Etxarri Aranatzen eta Altsasun eginen dira bihar.
Andra Mari, Iñigo Aritza eta Txioka ikastolek objektuak biltzen daramatzate azken asteak.
Erabilgarri diren eta etxean erabilerarik ez duten objektuak dira bildu dituztenak. Irene Lopez de Goikoetxeak Beleixe Irratian (FM 107,3) esan duenez, jostailuak, liburua, CDak, DVDak, arropa, etxeko tresnak, dekoraziokoak eta beste asko jaso dituzte. Guztiak ere bihar “prezio oso eskuragarrian” salgai jarriko dituzte Etxarri Aranatzen eta Altsasun eginen diren bigarren eskuko objektuen elkartasun azokan.
Ekimen horrekin Sakanako ikastolek Guaixe astekaria eta Beleixe irratiaren alde dirua atera nahi dute, “diru-laguntzen murrizketaren ondorioz egoera larrian baitaude”.
Azokak Etxarri Aranatzen, estalopean, 11:30etik 15:00etara.
Altsasun, Foru plazan, 11:00etatik 13:00etara eta 17:00etatik 20:00etara

ZORION ETXE HONTAKO DENOI

2012-02-03T10:11:00.004+01:00

Santa Ageda koruak kalera aterako dira gaur eta bihar .

Bihar Santa Ageda bezpera dugu, “etxe guztiak kantuz pozteko” eguna. Ohitura jarraituz, zenbait sakandarrek kalez kale zabalduko dituzte Santa Agedaren omenezko kopla zaharrak.
Ikastetxeetako haurrek emanen diote hasiera ospakizunei, gaur bertan. Haien atzetik etorriko dira udal musika eskoletako ikasleak, abesbatzak eta Santa Ageda bezperako tradizioa gogoko duten herritarrak. Makilak eskuan hartu, eta kalez kale zabalduko dituzte Santa Agedaren omenezko koplak. Bildutako puskekin asko eta asko merendatzera, txokolatea hartzera edo afaltzera bilduko dira.

Irurtzundarrek bihar, 18:30ean jarri dute hitzordua herriko kultur etxean. Aizpea euskara taldeak egindako deiarekin bat eginez, haur, gazte eta helduek kalez kale zabalduko dituzte martiriaren omenezko bertsoak. Bukaeran, denendako otamena izanen da Iratxo elkartean.
Irintarrak, urtero bezala, kalera aterako dira bihar, Santa Ageda bezperan. 20:00etan aterako dira elkartetik. Etxez etxe Santa Agedaren omenezko koplak abestu ondoren, afaria eginen dute elkartean.

Lakuntzako haurrak eta gurasoak, baserritarrez jantzi eta plazara aterako dira bihar, 16:30ean. Musika eskolako akordeoi-jole eta txistularien laguntza ere izanen dute. Elkarrekin, ordu eta erdi inguruko itzulia emanen dute herrian barna, makilek markatutako erritmora kantuan. Bukaeran, otordu ederra eginen dute bildutako puskekin. Abesbatzak, berriz, arratsaldeko 19:00etan dauka hitzordua, plazan. Makilak eta kriseiluak eskuan dituztela, bertso ederrak zabalduko dituzte herriko karriketan. Bukaeran, gustura afalduko dute elkartean, hurrengo egunean goiz esnatzeko beldurrik gabe.

Arbizuarrak bihar 18:00etan bilduko dira plazan, herritarrak kantuekin pozteko prest. Makila izanen dute lagun bakarra, eztarriz sano dabiltza eta. Santa Agedaren omenezko koplak abestuko dituzte karrizkaz karrika. Bueltan, eguraldiak laguntzen badu, aate txikia izanen da plazan parte hartzaile guztiendako.

Etxarri Aranatzen Santa Agedak koruek asteburu osoa bustiko dute. Andra Mari ikastolako eta San Donato ikastetxeko ikasleek emanen diete hasiera ospakizunei. Gaur 11:30ean aterako dira kalera, baserritarrez jantzita eta makila eskutan dutela. Bihar, berriz, udal musika eskolako ikasleen txanda izanen da. 18:00etan aterako dira musika eskola berritik, parke ingurutik. Fanfarrea lagun, Santa Ageda koplak abestuko dituzte. Txokolate beroa zain izanen dute plazan, hotza ateratzeko. Bukatzeko, Etxarriko abesbatza kalera aterako da 20:00etan. Eskusoinuaren eta makilen laguntzarekin kalez kale abestuko diote martiriari. Mahaiaren inguruan agurtuko dute eguna.

Bakaikuko abeslari txikiak goiztiar ibiliko dira. Bihar, 10:30ean jarri dute hitzordua herriko plazan. Makilak eskuan dituztela, gogoz abestuko dute urtero-urtero berritzen dute kantua, Santa Ageda andria, giltza handian jabia. Akordeoi-joleen laguntzarekin etxez etxe abestuko dute. Eskean jasotzen dutenarekin bazkari ederra eginen dute ihoteetan. Kinto eta kinto zaharrendako ere egun handia izanen da biharkoa. Jai giroan murgildu aurretik, etxez etxe abesten eta eskean ibiliko dira.

Iturmendiko eskolako haurrak abestera aterako dira gaur arratsaldean. Hotzari aurre egiteko ausardiak saria izanen du, eta bukaeran merendutxoa izanen dute. Bihar, Santa Ageda bezperan, ere kalera aterako dira iturmendiarrak. Iluntzeko puntuan hasiko dute kalejira. Santa Ageda koplak kalez kale abestu ondoren, auzatea eginen dute Aritzaga elkartean.

Altsasuarrendako egun handia da Santa Ageda. Horregatik, asko dira bihar haren omenez abestera aterako direnak. Musika eskolako ikasle, irakasle eta gurasoak izanen dira lehenak. Bihar, 17:30ean aterako dira musika eskolatik. Fanfarrea lagun, Santa Ageda koplak zabalduko dituzte kalez kale. Ordu bete inguruko kalejira alaia eginen dute. 18:30ean, kalera aterako da jubilatuen elkarteko korua. Aita Barandiaran egoitzan dute hitzordua. Kantuan Iortia plazaraino joanen dira kalejiran. Bertan bat eginen dute Zubiondo elkarteko abeslariekin. Bi elkarteak joan zen urtean batu zituzten lehen aldiz haien ahotsak, eta gustura geratu ziren. “Santa Ageda bezpera egun handia da Euskal Herrian, eta festa herrikoia egin nahi genuke” esan digu jubilatuen koruko zuzendariak. Haiekin abestera animatu dituzte altsasuar guztiak. Astean barna zenbait entsegu izan dituzte bi elkarteetan. Santa Ageda bezperako kopla ezagunez gain, Altsasuko bertso zaharrak ere prestatu dituzte.

Olaztiko udal musika eskolak eta ludotekak Santa Ageda koplak abestera gonbidatu dituzte herritarrak. Gaur, 17:45ean aterako dira ludotekatik. Baserritarrez janzteko deia egin dute. Kalez kale abestu ondoren, txokolate beroa izanen dute Kamiogaina jubilatuen elkartean.

Testuaren iturria: http://www.guaixe.net/ (moldatua eta zuzendua)

Bideoa: http://www.youtube.com/

ARRAKASTA BINGO-AFARIAN

2012-02-01T10:57:00.002+01:00

Larunbatean ospatu zen BIERRIKen aldeko BINGO-AFARIA. 45 pertsona inguru izan ziren afarian eta 60 bat azaldu ziren ondorengo Bingora.

Ederki afaldu ondoren, kartoien aitzakiarekin, txanpon batzuk elkar trukatzeko aukera izan zen. Batzuek zorte handia izan zuten; beste batzuek, berriz, kartoiari begira eta begira, baina ia zenbakirik ezabatu gabe egon ziren.
Esate baterako, Manolok bi BINGO kantatu zituen eta Iratik bat. Halaber, Trinitatera lo egitera joan zen koadrila batek enkargatutako kartoi bat zorteko izan zen erronda batean.

10 erronda bete ziren eta gaueko 01:40ak aldera bukatu zen bingo-gaua.
Laburpen gisa esan behar dugu afaritik 650€ inguru atera zirela eta Bingotik 465€. Denetara 1115€ lortu ziren GUAIXEk eta BELEIXEk bere horretan jarraitu ahal izateko. Irurtzunek ahalegin polita egin zuen hortaz.
Zorionak Aizpea, Orritz eta Pikuxarri eta eskerrik asko Iratxori eta Irurtzundik afarira eta Bingora azaldu zineten guztioi!!

Iturria: http://www.blogak.com/irurtzuneuskaraz (Testu moldatua)

BARDOAK BERTSO EKIMENA ABIAN

2012-01-27T11:14:00.002+01:00

Bardoak bertso ekimena abian

Etxarriko Bilixkorriko taldeak etxean hasiko du txapelketa

Ilbeltzaren 27a, ostiralean, 22:00etan, Etxarri Aranazko gaztetxean. Sarrera: 3 euro

Nafarroako bertsolari txapelketak atseden hartuko du aurten. Haren lekua hartuko du Bardoak 2012, Nafarroako taldekako bertso ekimenak. Ekimen berria bertsozaleei elkarte giroko bertso saio hurbilak eta aldi berean kalitatezkoak eskaintzeko helburuarekin sortu da. Etxarriko gaztetxeak hartuko du lehen saioa, gaur, 22:00etan.

Ekimen berritzailea
Bardoak herrietako gertaerak eta kultura zabaltzen zituzten Erdi Aroko kantariak ziren. Haien izena hartu du Nafarroako taldekako bertso ekimenak. Txapelketak nobedade ugari digu: saio motak eta horien ezaugarriak, egin beharreko lanak, taldeen osaketa, saioak epaitzeko formula… Horrekin guztiarekin bertsozaleari bertsolaritzaz gozatzeko aukera ezberdina eman nahi zaio, informalagoa, gertukoa.

Ekimena auzolanean, talde lanean oinarritzen da. Taldeek gutxienez bost partaide dituzte: hiru bertsolari, gai-jartzaile-aurkezle bat eta taldeko ordezkaria. Talde berean bertsolari beteranoak gazteekin, hasiberriekin nahasi dituzte. Bertsolariak haien artean banatu beharko dituzte saioetan egin beharreko ariketak. Gainera, bertsotan aritzeaz gain, epaile lanak egin beharko dituzte. Beste multzotako taldeen lana epaituko dute. Ikusleek ere zer esana izanen dute.

Txapelketaren egitura
Bardoak ekimenean 17 talde eta 99 parte-hartzaile izanen dira, haietatik 51 bertsolariak. Ohiko txapelketan 30 bat bertsolari lehiatzen dira, beraz, aurpegi berri asko ikusteko aukera izanen da. Taldeak hiruko 6 multzotan banatu dituzte.

Bertso ekimenak 24 saio izanen ditu, hiru fasetan banatuta. Lehen fasean (gaurtik otsailaren 19ra, 17 saio), taldeak multzo berekoen aurka lehiatuko dira. Multzo bakoitzean nagusitzen dena bigarren fasera pasatuko da (martxoaren 2tik 18ra, 6 saio). Bigarren faseko hiru talde onenak martxoaren 31n Leitzan jokatuko den final handira iritsiko dira. Nafarroako bertsolaritzaren eta euskal kulturaren festa handia izatea espero dute.

Bilixkorriko eta Desterratuak aurrez aurre
Etxarriko Bilixkorriko eta Iruñerria-Gorritiko Desterratuak taldeek emanen diote hasiera bertso txapelketa bereziari, gaur, Etxarriko gaztetxean. Eneko Lazkoz, Joseba Beltza eta Alain Iriarte bertsolariek, Jon Arratibel gai-jartzaileak eta Artzai Iraurgi ordezkariak etxekoen babesa izanen dute. Baina aurrez aurre izanen duten taldea ez da edonolakoa: Julio Soto txapeldunarekin, 2011n lehen aldiz txapelketan sartu zen Irati Majuelorekin eta bertsotan berria den Unai Uberetagoenarekin neurtuko dituzte indarrak. Iñigo Irazoki gai-jartzaileak eta Eymard Uberetaguenak osatzen dute taldea.

Gaur gauean Etxarriko gaztetxean bilduko direnen erdiek, Joseba Beltzak, Eneko Lazkozek eta Julio Sotok, Beleixe irratian (FM 107,3) egin zuten beroketa asteartean. Bertsolariek gogoz hartu dute ekimen berria. Aspaldi bertso txapelketak utzita zituen Joseba Beltza parte hartzera animatu da: “informalitate puntu bat du, eta horrek animatu nau”. “Txapelketari lehiakortasuna kentzea nahi izan da, jakin arren guztiz ezin izanen zaiola kendu” azaldu zuen Julio Sotok. Eneko Lazkozek pozez hartu du lagunaren erabakia, “urtetan elkarrekin aritu baikara”. Alboan izanen dute Alain Iriarte. Bertso Eskolan urte bat egin ondoren, jendaurrera salto eginen du lehen aldiz. “Bertsojalea da” deskribatu dute lagunek.

Bilixkorriko eta Desterratuak taldeko kideek “lehia estua” aurreikusten dute gaur gauerako. Bertara animatu zituzten bertsozaleak. “Aspaldiko partez Joseba eta lehen aldiz Alain entzuteko aukera izanen da. Julio Soto txapelduna Etxarrin izatea era gauza handia da” esan zuen barrez Eneko Lazkozek. Giro umoretsu hori nagusituko da gaztetxeko saioan.

Sakandarrak
Etxarriko Bilixkorriko taldeak irekiko du bidea eta atzetik etorriko dira gainerako sakandarrak. Heldu den astean sartuko dira txapelketan Oier Lakuntza eta Haizea Beruete iruindar-sakandarrak. Hautsi eta barratu taldean daude Arkaitz Goikoetxea bertsolariekin, Luis Mari Larreta eta Juan Mari Irastortza gai-jartzaile eta aurkezleekin eta Mikel Huarte, Igor Mitxaus eta Aitor Irastortza ordezkariekin batera.

Lehian sartzen azkena Joxema Leitza izanen da. Abizenak Leitzako taldera eraman du arbizuarra. Leitza eta leitzarrak taldea Mikel Azpiroz eta Jose Luis Barberia Zili bertsolariek, Koldo Leitza gai-jartzaileak eta Aitzol Eizmendi ordezkariak osatzen dute.

GUAIXE ETA BELEIXEren ALDE. BINGO AFARIA. IRURTZUN

2012-01-26T14:38:00.001+01:00

Guaixe eta Beleixe laguntzeko asmoz datorren larunbatean, Iratxo elkartean Afaria eta Bingoa antolatuko dute AIZPEA, ORRITZ eta PIKUXAR elkarteek.
Afarirako izena emateko PIKUXAR eta IRATXON daude. Animatu!

Beti ez dugulako aukerarik izaten!!!!!

2012-01-26T13:56:00.003+01:00

Asteburu honetan zinena euskaraz Altsasun.

GARTXOT filma

Iortia kultura gunean

urtarrilaren 27an (ostiralarekin) 21:45ean

urtarrilaren 29an (igandearekin) 20:10ean

Sarrera bakoitzeko euro bat Bierrik fundaziorako izanen da.

Eskuratu zure BELEIXE-GUAIXE txartela

2012-01-24T13:15:00.003+01:00

Mintzakidea???!!!!!

2012-01-23T11:22:00.001+01:00

27. minutuan hasten da.
ETBko Finlandiakoen parodia.
Dena dela, Mintzakidea baino gehiago euskaltegiko ikaslea ematen du.

ZINEMA EUSKARAZ SAKANAN

2012-01-18T08:28:00.005+01:00

- Urtarrilaren 20an (ostiralarekin) 21:45ean eta 22an
(igandearekin) 20:10ean Bi Anai filma eskainiko da.

- Urtarrilaren 27an (ostiralarekin) 21:45ean eta 29an
(igandearekin) 20:10ean Gartxot filma eskainiko da.

Sarrera bakoitzeko euro bat Bierrik fundaziorako izanen da.

Sustatzaileak: Altsasuko Udala, Bierrik fundazioa eta
Sakanako Mankomunitatea

ILBELTZEKO TESTU BAZKA bigarren saioa

2012-01-17T17:55:00.003+01:00

Testu bazka, Kima euskara taldeak antolatu duen lagundutako
irakurketaren ilbeltzeko bigarren saioaren berri ematera
gatozkizu. Juan Mari Irigoieni, haren azken nobelari Ur
arreak, ur garbiak eskainia oraingo hau ere. Ilbeltzaren
25ean, asteazkenean da hitzordua, 19:00etan, Udal
liburutegian.

Bigarren eskuko produktuen azoka

2012-01-12T10:37:00.002+01:00

Krisialdiak eta diru-laguntzen murrizketak euskarazko hedabideetan eragin zuzena izan dute. Horren jakitun, Sakanan Guaixe astekariaren eta Beleixe Irrataren aldeko ekimenak antolatzen hasi dira talde batzuek eta besteak.

Andra Mari, Iñigo Aritza eta Txioka ikastolak elkartasun azoka antolatu dute otsailaren 4rako, Etxarri Aranatzen eta Altsasun.

Azoka egin ahal izateko materiala biltzen ari dira Sakanako ikastolak. Ostiralera arteko epea dago etxean erabiltzen ez dena eta besteren batek baliatu dezakeen objektuak ikastoletara eramateko.

Bingo afaria!!!

2012-01-11T16:48:00.004+01:00

Beleixe irratiaren eta Guaixe astekariaren alde

BINGO AFARIA

Etxarri Aranazko Larrañeta elkartean

urtarrilaren 14an

21:30ean

Afarira joateko txartela aldez aurretik Leku Ona tabernan eros daiteke, 12 eurotan.

IMAGINATZEN DUZU GUAIXE ETA BELEIXE GABEKO SAKANA???? Ez, ezta?

Afari bejetarianoa!!!!!

2012-01-11T08:14:00.001+01:00

Ilbeltzeko TESTU BAZKA

2012-01-10T10:50:00.002+01:00

Urte berriarekin batera, bueltan da Testu bazka, Kima euskara taldeak antolatu duen lagundutako irakurketa. Aurreneko saioa asteazkenean izanen da, eta bazkarako Joan Mari Irigoienen Ur arreak, ur garbiak liburuko testu bat izanen da. Menu bera dastatuko da hilaren 25ean ere. Hitzordua 19:00etan jarrita dago, Udal liburutegian.

Ez dakienarendako, Testu bazka lagundutako irakurketa bat egitean datza. Euskaraz idatzitako testu labur bat irakurtzearekin hasten da saioa, kasu honetan Irigoienena. Irakurri ondoren, saioaren gidariak proposatutako galderen bidez, guztien artean, testuari mamia, zukua, sekretuak, egitura eta beste ateratzen saiatzen gara. Jakizu Testu bazka-n aritzeko ez da literatura ezagutza espezifikorik edo prestaketa berezirik behar. Dena abantailak dira: euskaraz idatzitako lanak ezagutzeko aukera eskaintzen du; ez da etxerako lanik izanen, aurretik ez delako ezer irakurri behar, saioan bertan irakurtzen dira pasarte labur batzuk; saioak ez dira oso luzeak izaten eta, gainera, saio guztiak independenteak dira.

Horregatik guztiagatik, Kima euskara taldetik gonbitea luzatzen dizuegu irakur zaletasuna duzuenoi, literatura maite duzuenoi eta idazketaren sekretuak ezagutzea maite duzuenoi edota euskaraz hitz egin nahi duzuen guztioi.

Kima euskara taldeak parte hartzera animatu nahi zaitu. Hori bai, antolaketa errazte aldera, eskertuko genizueke Altsasuko udal liburutegian, Itsasi euskaltegian edota altsasuneuskaraz@euskalerria.org helbidean izena emanen bazenute. Bezperara arte duzue. Eman izena eta on egin literatura-bidaiak. Bizi euskaraz.

EUSKARAZ BIZI AHAL DUGU

2012-01-08T16:54:00.003+01:00

Euskaltegian euskaraz non aritu gaitezkeen aztertu dute. Guri, Mintzakideoi ideia gustatu zaigu eta kopiatu egin dugu.
Zerrenda honetan asko daude; baina oraindik beste asko falta dira.
Proposamen guztiak ongi etorriak dira sakana_mintza@aek.org helbidean

ALTSASUN
Basomutur jatetxean Nekanerekin, Iratirekin, Laurarekin eta Iñakirekin, jakina!
Txirinbulo haur-eskolan (garbitzailearekin ez)
Galarza harategian (Lehen Dia zegoen eta orain txinatarren denda dagoenaren aurrean)
EUSKALTEGIAN!
Zumalakarregi plazako Amaya okindegian
Espejo tabernan Ismaelekin
Gautxori tabernan Edurnerekin eta Igorrekin
Maria Eugenia arrandegian Unairekin eta Olaiarekin
Zelai albaitari kontsultan Maiterekin
Eroskin kutxetan Soniarekin, Idoiarekin, Josunerekin… harategian Katxorekin, Josurekin… arrandegian Nerearekin
Koxka tabernan Josurekin, Juanirekin eta Elurrekin
Arkupe altzari dendan
Santa Cruz altzari dendan
Ramosgo goiko dendan Koldorekin
Ramosgo beheko dendan Artzairekin
Sebastian harategian
Portuko okindegian
Kirru harategian Gemarekin
Arkatz liburu dendan neskarekin
Kristinarekin bere fruta dendan
Mamenekin Lasa kirolaken
Nettoko arrandegian Ainhoarekin
Aldasoro harategiko gizonarekin
Zelandi eskolako D eredukoekin
Itziar arrandegian
Akelarre tabernan Juanjorekin
Euskadiko Kutxan gazte guztiekin
Sakana optikan
Eugeniorekin bere ile-apaindegian
Rural Kutxan Jose Marirekin eta beste mutikoarekin (ulertzen du)
Liburutegian (nahiz eta Elenak asko ez ulertu)
Xume tabernan Remigiorekin
Udaletxean
La Vitoriana okindegian
Zelandiko kiroldegian
Biltokin Mikelekin eta zerbitzariekin (eta Dolok ulertzen du)
Goiko loradendan
ETXARRI ARANATZEN
Plazako taberna guztietan: Lurrekin, Onintzarekin, Ovejerorekin, Garbiñerekin, Nekanerekin…
Iturri Eder tabernan Onditzekin, Enekorekin, Nahikarirekin, Mari Karmenekin…
Kaxeta liburu dendan
Patxirekin okindegian
Bakaikoa botikan Virginiarekin eta Oihanarekin
Borda jatetxean Ainhoarekin
Oskarrekin bere janari dendan
Hosto Gorri altzari dendan Maiderrekin eta Amagoiarekin
Katxo arrandegian
Baiza motorreko Asierrekin
Bikain garajean Kalekorekin, Goizederrekin, bulegokoarekin, bi urdiandarrekin eta ataundarrarekin (eta Koldok eta Salinasek ulertzen dute)
Marixelekin bere liburu dendan
Leteren janari dendan Marurekin, Pedro Luisekin eta Jabierarekin
Liburutegian
Udaletxean
Lolirekin okindegian
Martinez botikan Yolirekin
Ikastolan
Eskolan
Euskadiko Kutxan
BAKAIKUN
Kontxirekin bere dendan
ARBIZUN
IATn
Atanasio harategian
Arrautseko tabernan
Karrika tabernan
Consum-en Mari Pazekin
BESTE LEKU BATZUETAN
Iruñeko sarreran (edo irteeran, ikuspuntuaren arabera) dagoen Aralar gasolindegiko askorekin
Beatriz gozotegian (Iruñeko Estafeta karrikan)
LAKUNTZAN
Lagun Artea tabernan
Eroskin
Agirre harategian Jose Marirekin
Arregi harategian
Mankomunitateko bulegoetan
Euskadiko Kutxan
Botikan
Sorginak tabernan
Luis Fuentes eskolan
ERGOIENAN
Txominekin bere harategian (Lizarragan)
Udaletxean (euskara batuan)
OLAZTIN
Clinker tabernan Patxirekin eta semearekin
Urtzin Danirekin
Kiroldegian Lourdesekin
Aixeleku tabernan Anarekin
Pako harategian Pakorekin, Patxirekin eta Milarekin
Ludotekan
Udaletxean
Pilotalekuan Ramirorekin
ITURMENDIN
Nerea ile-apaindegian
ZIORDIN
Anarekin ile-apaindegian
Liburutegian Amaiarekin
URDIAINEN
Jaionerekin bere botikan
Kaluxa tabernan
Janari dendan
Banketxean
Liburutegian Ainhoarekin

Zinemarako bi plan!

2012-01-04T15:50:00.001+01:00

Gabonak Irurtzun aldean

2011-12-23T17:21:00.002+01:00

Urtero bezala eta data hauetara hurbiltzean, Pikuxar Euskal Txokoaren eskutik PIKUGABONAK datoz. Elkarrekin ondo pasatzeko aukera ederra egon dadin!

Aste honetan ere...

2011-12-17T16:05:00.002+01:00

Aste honetan ere Guaixen gaude.

Portadan gainera.

Eta erdiko erreportajean ere bai!

Atzo Unai Elorriagarekin izan ginen

2011-12-16T10:56:00.003+01:00

Sakanako Mankomunitatearen laguntzarekin atzo Unai Elorriaga etorri zen Altsasura.

Guk, mintzakideok, hizketaldirako aukeratu zituzten bi liburuak irakurri genituen. Batzuek bat, SPrako tranbia; beste batzuek bestea, Matxinsaltoen belarriak; eta beste batzuek biak!!!!

Eta atzo Sakanako Mintzakidetako bost oso gustura egon ginen hizketan Unairekin.

Gurekin batera Sakanako Itsasi euskaltegiko ikasle eta irakasleak izan ziren.

Abenduko testu bazka

2011-12-13T17:41:00.002+01:00

Noiz? Abenduaren 14an, 19:00etan
Non? Altsasuko udal liburutegian

Zein testuren inguruan arituko gara? Juan Mari Irigoienen Ur arreak, ur garbiak
liburu argitaratu berriaren inguruan

Zen egiten da? Lagundutako irakurketan parte hartu, iritzia emanez, komentatuz, entzunez...
-----------------
Hilabete honetan euskarazko letretara hurbiltzeko aukera
bakarra eskainiko du Kima euskara taldeak. Testu bazka
abenduaren 14an izanen da, 19:00etan, udal liburutegian.
Kimak, berriro ere, lagundutako irakurketan parte hartzera
gonbidatzen zaitu.

Oraingo honetan Juan Mari Irigoienen Ur arreak, ur garbiak
liburu argitaratu berriaren inguruan biltzera da gonbitea.
Urgain herriaren inguruko pasadizoak pixka bat ezagutzeko
aukera izanen da beraz. Herri horrek, izen bera badu ere, ez
du zerikusirik Arturo Campionek Blancos y negros eleberrian
edo Jose Antonio Loidik Hamabost egun Urgainen sortutako
herri literarioekin.

Testu bazka lagundutako irakurketa bat egitean datza.
Euskaraz idatzitako testu labur bat irakurtzearekin hasten
da saioa, kasu honetan Irigoienena. Irakurri ondoren,
saioaren gidariak proposatutako galderen bidez, guztien
artean, testuari mamia, zukua, sekretuak, egitura eta beste
ateratzen saiatzen gara. Jakizu Testu bazka-n aritzeko ez da
literatura ezagutza espezifikorik edo prestaketa berezirik
behar. Dena abantailak dira: euskaraz idatzitako lanak
ezagutzeko aukera eskaintzen du; ez da etxerako lanik
izanen, aurretik ez delako ezer irakurri behar, saioan
bertan irakurtzen dira pasarte labur batzuk; saioak ez dira
oso luzeak izaten eta, gainera, saio guztiak independenteak
dira.

Horregatik guztiagatik, Kima euskara taldetik gonbitea
luzatzen dizuegu irakur zaletasuna duzuenoi, literatura
maite duzuenoi eta idazketaren sekretuak ezagutzea maite
duzuenoi edota euskaraz hitz egin nahi duzuen guztioi.

Kima euskara taldeak parte hartzera animatu nahi zaitu. Hori
bai, antolaketa errazte aldera, eskertuko genizueke
Altsasuko udal liburutegian, Itsasi euskaltegian edota
altsasuneuskaraz@euskalerria.org helbidean izena emanen
bazenute. Eman izena eta on egin literatura-bidaiak. Bizi
euskaraz.

2011-11-29T17:26:00.001+01:00

Aurtengo BERSOALDIA ailegatu da.

Aurreko larunbatean hasi zen Ihabarren. Abenduaren 17an Irurtzunen izanen da, Iratxo elkartean eta urtarrilean Etxalekun.

Iñaki Murua, Malen Telleria, Julio Soto, Irurtzun eta Etxalekun, Sustrai Colina eta Iker Zubeldia izanen ditugu gure artean.
Arakilgo Udalak, Aizpea Euskara Taldeak eta Imozko Udalek antolatu dituzte ekitaldiak. Tartean hor dago Gipuzkoako Bertsolari Txapelketa eta final handia abenduaren 18an Ilunbe Zezen Plazan izanen da.
Bertso onak entzun ditzazuela.

Down sindromea antzerkira - Antzerkia - Guaixe.net

2011-11-25T13:05:00.000+01:00

Down sindromea antzerkira - Antzerkia - Guaixe.net

Mintzakideendako etxeko lanak

2011-11-20T12:31:00.004+01:00

Batzuk txintxo-txintxo ari dira, nobela bat eta bestea irakurtzen. Ea besteren bat orain animatzen den.

Abenduaren 15ean Unai Elorriaga etorriko da Altsasura.

Bere bi nobelari buruz hitz egin ahal izanen dugu berarekin.

Denborarekin abisatzen dugu

2011-11-11T18:32:00.002+01:00

Abenduaren 3an, arratsaldeko 17:00etan, Irurtzungo Kiroldegian ekitaldi berria aurkeztuko dute Pirritx, Porrotx eta Marimototsek.

Zazpikoloroa izena dauka.
Hauxe da prestatu duten istorioa. Pirritx, Porrotx eta Marimotots Irriaren Hirira gonbidatu dituzte, Zazpikoloroaren Festara. Usadioak dioenez, biharamun goizean jaioko da Zazpikoloro berria, urte osoanmundua koloreztatuko duen hegazti miragarria. Gauaren erdian, ordea, Belekoi Andere zuri-beltz eta gaiztoa azalduko da, eta Zazpikoloroaren arrautza bahituko du. Patakon gidari dutela, eguna argitu aurretik aurkitu beharko dute arrautza pailazoek.

Lortu ahal izango dute pailazoek eta bere lagunek Zazpikoloroa askatu eta munduaren koloreak babestea?

Azaroaren 30erako plana

2011-11-10T11:04:00.002+01:00

Testu bazkaren azaroko bigarren saioaren berri ematera dator
Kima euskara taldea. Literatur-zaleendako hurrengo saioan,
Testu bazkan, ikasturteko aurreko bi saioetan bezala, Anjel
Lertxundiren obra izanen dute oinarri. Hark idatzitako obren
pasarteen inguruan ariko dira hizketan Testu bazkan. Hilaren
16an izanen da, 19:00etan, Udal Liburutegian. Antolakuntza
errazte aldera, bezpera arte duzu izena emateko aukera.
Horretarako jo Udal Liburutegira, Itsasi euskaltegira edota
altsasuneuskaraz@euskalerria.org helbidera.

Euskarazko literaturaren berora biltzeko aitzakia da Testu
bazka. Lagun-artean lagundutako irakurketa bat egiten da.
Euskaraz idatzitako testu labur bat da irakurgaia. Iakurri
ondoren, saioaren gidariak proposatutako galderen bidez,
guztien artean, testuari mamia, zukua, sekretuak, egitura
eta beste ateratzen saiatzen gara.

Testu bazka zure aukera da, baldin eta euskaraz idatzitako
lanak ezagutu nahi badituzu. Gainera etxerako lanik gabe,
aurretik ez delako ezer irakurri behar, saioan bertan
irakurtzen dira pasarte labur batzuk. Testu bazka zure
aukera da saioak ez baitira oso luzeak eta, gainera, saio
guztiak independenteak dira. Ez da literatura ezagutza
espezifikorik edo prestaketa berezirik behar. Horregatik
guztiagatik, Kima euskara taldetik gonbitea luzatzen dizugu.

Eta hasi, prestatzen, Anjel Lertxundiren lanetan
oinarritutako triptikoaren ondoren, azaroa despeditzeko, hilaren 30ean, Testu bazkaren ardatza Dora Salazarrek eta Harkaitz Canok argitaratutako Cuentos para adultos liburua izanen da.

Kima euskara taldeak parte hartzera animatu nahi zaitu. On
dagizula literatura-bidaiak. Bizi euskaraz.

Azaroko TESTU BAZKAK!

2011-10-31T15:08:00.005+01:00

Laugarren ikasturteko bigarren saioa du azaroaren 2an izanen du Testu bazkak, euskarazko literaturaren berora biltzeko aitzakia, Kima euskara taldeak proposatuta.

Testu bazka lagundutako irakurketa bat egitean datza. Euskaraz idatzitako testu labur bat irakurtzearekin hasten da saioa. Irakurri ondoren, saioaren gidariak proposatutako galderen bidez, guztien artean, testuari mamia, zukua, sekretuak, egitura eta beste ateratzen saiatzen gara.

Azaroko Testu bazkako aurreneko bi saioek, hilaren 2koa eta16koa, Anjel Lertxundiren obra izanen dute oinarri.

Hark idatzitako obren pasarteen inguruan ariko dira hizketan Testu bazkan biltzen direnak.

Azaroaren 30eko Testu bazkan,berriz, Dora Salazarrek eta Harkaitz Canok ondu duten Cuentos para adultos liburuaren gira-biran ariko da.

Azaroak, beraz, hiru hitzordu ekarriko ditu literatura zalearendako.

Parte hartzera animatzen zaitugu. Jakizu Testubazka-n aritzeko ez da literatura ezagutza espezifikorik edo prestaketa berezirik behar. Dena abantailak dira: euskaraz idatzitako lanak ezagutzeko aukera eskaintzen du; ez da etxerako lanik izanen, aurretik ez delako ezer irakurri behar, saioan bertan irakurtzen dira pasarte labur batzuk; saioak ez dira oso luzeak izaten eta, gainera, saio guztiak independenteak dira. Horregatik guztiagatik, Kima euskara taldetik gonbitea egiten dizuegu irakur zaletasuna duzuenoi, literatura maite duzuenoi eta idazketaren sekretuak ezagutzea maite duzuenoi edota euskaraz hitz egin nahi duzuen guztioi.

Hitzordua,19:00etan da, udal liburutegian. Kima euskara taldeak parte hartzera animatu nahi zaitu. Hori bai, antolaketa errazte aldera, eskertuko genizuek eAltsasuko udal liburutegian, Itsasi euskaltegian edota http://www.aek.org/webposta/src/compose.php?send_to=altsasuneuskaraz%40euskalerria.org helbidean izena emanen bazenute.

On egin literatura-bidaiak. Bizi euskaraz.

Talde guztiak martxan daude!!!!

2011-10-30T11:35:00.005+01:00

Udako geldialditik bueltan... Sakanako mintzakide talde guztiak martxan daude, taldekide berriekin!!!!!

Guk debei!

2011-09-23T14:23:00.001+02:00

Hor gaude gu, bideuan akaberan!

Voluntariat per les llengües

2011-09-16T14:32:00.001+02:00

Bozen (Bolzano) Italiako herrialde autonomoan alemaniaren erabilera sustatzeko Voluntariat per les llengües programa abian jarri dute. Italiar hiztunen artean alemanera sustatzea da egitasmoaren xedea; izan ere, alemanera hizkuntz ofiziala da herrialde osoan, eta horretarako Katalunian aski ezaguna den Voluntariat per la Llengua egitasmoa erreferentzi moduan hartu dute.

Programan alemaneraz egiten duen jendea ikasi nahi duen italiar hiztunekin elkartzen da, gure mintzapraktika egitasmoetan bezala! Honezkero 600 lagun daude izena emanda; gehienak Bozen hiriburukoak dira baina beste hiri eta herrietara ere zabaltzen ari da: Meran, Brixen, Bruneck...

Euskal Herrian mintzapraktika egitasmoetan gabiltzanok zorterik handiena opa nahi diegu. Viel Glueck!

Gaur ere kontratu euskaltzalea sinatzeko aukera

2011-09-12T16:39:00.003+02:00

Gaur ere kontratu euskaltzalea sinatzeko aukera

Dagoeneko ia 100 altsasuarrek sinatu dute

Kontratua sinatu nahi dutenek Foru plazatik pasa daitezke, 19:30etik 21:30era. Kontratua sinatzearekin batera, Nirekin euskaraz dioen txapa eskuratuko dute euro baten truke.

Altsasuko Euskal Herrian Euskaraz-ek (EHE) Nirekin euskaraz, euskararen kontratua sortu du. Ekimen horren bidez “festetan gutxienez, euskararen presentzia bermatu nahi dugu”. Horrekin batera euskal hiztunen kontzientzian eragin nahi du EHEk.

Kontratua
Eragile euskaltzaleak lau puntuko kontratua proposatu die altsasuarrei. Lehenik eta behin, kontratu sinatzaileek festetan Nirekin euskaraz dioen txapa agerian eraman beharko dute.

Aldi berean, kontratua sinatu duten beste pertsonekin euskaraz hitz egiteko konpromisoa hartuko dute sinatzaileek. Halakorik eginen ez balitz, beste kideari pote bat ordaindu beharko zaio. Hala dio kontratuaren hirugarren puntuak.

Azkenik, EHEren Nirekin euskaraz, euskararen kontratua sinatzen dutenek ferietako ostiralean (lastailaren 14an) eginen den afarian parte hartuko du, gainontzeko sinatzaile guztiekin batera.

Iturria: wwww.guaixe.net

Lagunak baino gehiago

2011-09-09T12:45:00.003+02:00

Dolo, Pedro, Uxue, Marta, Eva Maria, Lutxi, Maru, Idoia, Endika, Reyes, Elisa, Maite, Maite, Maite (bai, hiru aldiz), Bea, Bea (bai, hau bi aldiz)...

Pasa den urtekoa polita bazen...

2011-09-08T13:58:00.001+02:00

... itxaron aurtengora!

ekimen originala Altsasuko jaietan

2011-09-05T18:23:00.003+02:00

Heldu den irailaren 14an, 22:45ean, Altsasuko jaien barruan aurten ere KANTAITAN saioa izanen dugu, herriko plaza nagusian.

Oso ezagunak (eta ederrak, jakina!) diren euskal kanta tradizional eta berrien letrak banatuko dituzte, liburuxka moduko batean.

Hainbat musikarik doinua joko dute eta nahi duen orok kantari gozo-gozo aritzeko aukera izanen du.

Plan polita, ezta?

Antolatzaileak: EHE eta AEK

Udan ere bai!

2011-08-29T13:07:00.001+02:00

Pasa den larunbat gauean Irurtzungo Mintzakideok Ihabarren izan ginen. Bertako herritarrek uda partean antzezten duten antzeki lana ikusten egon ginen.

Eta benetan, ASKO GOZATU GENUEN!!! Zein ongi!!!!!

Antzerki lana Shakespeareren Uda gau bateko ametsaren moldaketa bat zen.

Fresko apur bat ere pasatu genuen!

Egia ala gezurra?

2011-07-22T12:26:00.002+02:00

Egia ala gezurra?

Altsasuko KIMA euskara taldekoen hausnarketa.

Euskara zaila da.

Egia batzuk: D ereduan erraz ikasten da, txikitan gaitasun
handiagoa dagoelako ikasteko. Gainera, elebitasunak beste
hizkuntzak ikastearen prozesua errazten du. Beste
hizkuntzekin konparatuta, baditu zenbait gauza errazagoak
direnak eta zenbait gauza zailagoak, baina ez da hizkuntza
zailenetarikoa. Euskal Herrian milaka pertsonak ikasi dute
eta ikasten ari dira. Praktikatzeko ez duzu atzerrira joan
behar.

Euskara inposatu nahi da.

Egia batzuk: Kasu honetan ez da esaten Gaztelania (edo
Frantsesa iparraldean) jakitea derrigorrezkoa dela eta
ezinbesteko baldintza lan egiteko. Espainiako
konstituzioaren arabera, herritar guztiek jakin behar
dute. Inglesa ere derrigorrezkoa da ikasgai bezala. Hobe
esanda, aske gara euskara ez ikasteko, beste hizkuntzak
derrigorrean ikasi behar dira, ordea.

Euskara ez da izan Nafarroako hizkuntza garrantzitsu bat.

Egia batzuk: XII. mendeko testu batean, euskara aipatzen da
Lingua Navarrorum bezala, hau da, nafarron hizkuntza. XVI.
mendean 3 nafarretatik 2 euskaldunak ziren. Nafar batek
idatzi zuen euskarazko lehendabiziko liburua (Etxepare).

Euskararen egoera ona dela.

Egia batzuk: Unescoren arabera, oraindik desagertzeko
arriskuan dago. Gainera, toki askotan ez da ofiziala.
Zailtasun handiak egoten dira ikasteko edo erabiltzeko.

Batua ez da euskara.

Egia batzuk: Euskara oso aberatsa da eta hizkera desberdin
asko daude. Euskara batua oso denbora laburrean garatu da,
beste hizkuntzek mendeetan egin dutenak, euskarak mende
erdian egin du. Hizkuntza batzuetan aspaldian egin zen
prozesuak, espainolaren kasuan, baina besteetan orain dela
gutxi, italiera eta alemanaren kasuetan. Hizkuntza guztietan
eman da estandarizazio hori. Batua gehienetan euskara jasoa
da eta ez kaleko hizkera. Beste hizkuntzetan ere, ez dira
berdina kaleko hizkera eta jasoa.

IRURTZUNGO JAIAK. BAZKARI, AFARIAK,...

2011-07-12T18:09:00.001+02:00

Badatoz Irurtzungo Jaiak, agenda betetzeko aitzikiarik falta ez dadin, hemen dituzue afari edo bazkarietara apuntatzeko aukera batzuk.

Sakanarako txartel bat- ERREPORTAJEAK - Guaixe.net

2011-07-03T11:17:00.001+02:00

Sakanarako txartel bat- ERREPORTAJEAK - Guaixe.net

Irurtzungo Aizpeakoen eta Pikuxarrekoen ekimena udarako

2011-07-02T20:46:00.002+02:00

Kaldak ez gaitu apaldu!

2011-06-28T12:32:00.004+02:00

Atzo, Altsasuko taldeetako baterako kide berria etorri zen. Aupa! Uda euskaraz ere nahi du eta!

Atzo, Irurtzungo taldekoek afari-merienda izan zuten Irurtzungo igerilekuetan, ikasturtea despeditzeko.

Unibertsitatean ere euskaraz

2011-06-27T11:56:00.000+02:00

Vaya Semanita - Euskera a domicilio

2011-06-26T11:36:00.000+02:00

Zein ongi pasatu genuen igandeko paseoan! 2

2011-06-21T11:11:00.003+02:00

Zein ongi pasatu genuen igandeko paseoan!

2011-06-21T10:58:00.004+02:00

Lizarrustiko gainetik Lareoko urtegira
urtegiari buelta eman
eta Lizarrustiko gainera berriro.

Bien bitartean bidean aurkitzen genituen landareen izenak euskaraz ikasten.

Eta txakurrari euskaraz hitz egiten.

San Juan gaua Irurtzunen

2011-06-20T12:23:00.002+02:00

SAN JUAN GAUA IRURTZUN

Aizpea eta Orritzen eskutik hor dugu San Juan Gaua Irurtzunen. Heldu den ostegunean, gaueko 9:30etik aurrera Foru Plazan. Atzean utziko dugu negua eta udako argia eta kolorea gure begi aurrean ditugu.
San Juan gauari gau magikoa deitu zaio. Gau berezia da. Iluntasunean suaren txinpartak bor-bor,… eta hor, denok salto egiteko prest.
Txistorra, urdaia eta musika ez dira faltako.

Adi! Azkena izanen da eta!

2011-06-19T11:45:00.001+02:00

Herria San Joanetarako prestatzen ari den honetan, eta
ikasturtea despeditzeko, Kima euskara taldeak nobela
beltzarekin gozatzera gonbidatzen zaitu. Hilaren hasieran
bezala, oraingo honetan ere genero literario hori gertutik
ezagutzeko aukera eman nahi du Kimak. Oporren aurreko azken
literatur bidaia, azken Testu bazka garagarrilaren 22an
izanen da. Ohi bezala, Gure Etxea eraikinean (2. solairuan,
mahai beltza duen gelan), 19:00etan.

Euskarazko literatura ezagutu eta harekin gozatzeko
gonbitea da Testu bazka. Lagun taldea, zazpi bat bildu, eta
denen artean euskarazko testu labur bat irakurtzearekin
hasten da saioa. Ondoren, saioaren gidariak proposatutako
galderen bidez, guztien artean, testuari mamia, zukua,
sekretuak, egitura eta beste ateratzen saiatzen gara.

Testu bazka-n aritzeko ez da literatura ezagutza
espezifikorik edo prestaketa berezirik behar. Testu bazka-k
aukera ematen du, besteak beste: euskal idazleen lanak
ezagutzeko; ez da etxerako lanik izanen; ez dago irakurketa
beharturik, saioak ez dira oso luzeak izaten eta saio
guztiak independenteak dira. Guztiak ere Testu bazka-n
parte hartzeko nahikoa arrazoia direla uste dugu.

Irakur zaletasuna dutenei, literatura maite dutenei,
idazketaren sekretuak ezagutzea maite dituztenei edota
euskaraz hitz egin nahi duten guztiei Kima euskara taldeak
parte hartzeko gonbitea egiten die. Antolakuntza errazteko,
eskertuko genizueke aurretik izena ematea, bezperara arte
duzue horretarako (Altsasuko udal liburutegian, Itsasi
euskaltegian edota altsasuneuskaraz@euskalerria.org
helbidean). Hori egin eta on egin diezazula
literatura-bidaiak. Bizi euskaraz.

Ikasleen modura, hilaren akaberarekin batera ere bere
trepetak bildu eta heldu den ikasturtera arte esanen du
agur bidaia literarioak

Etxarriko taldekoak bihar Lareora

2011-06-18T18:06:00.002+02:00

Atzo, Lizarrustiko inguruan bisitatzerakoan sortu zen ideia.

Bihar arratsaldeko bostetan Etxarriko mintzakideak Lizarrustiko parketxetik Lareoko urtegira joanen dira paseoan.

Eguraldiak laguntzea espero dugu.

Hizkuntza eskolan uzta ona!

2011-06-17T18:25:00.002+02:00

Ahaztu baino lehen!

Altsasuko taldeetako bat hizkuntza eskolan Tarteko Mailako azterketara aurkeztu zen eta GAINDITU egin du!!! Aupa, Maite!!!!

Heldu den astean beste baten notak jakinen ditugu.

Eta aurreko batean aipatu bagenuen, orain berriro: Altsasuko taldeetako beste batek EGA gainditu du!!!!!!

Zer egin dute gaur Etxarrikoek?

2011-06-17T17:42:00.003+02:00

Gaur Etxarriko taldeak Kifosa ondoko urtegitxoa (Mmmm! Udako bero gogorretarako!), Itturriuseittu (Buaj! Zein usain txarra urak!) eta Lizarrustiko parketxea bisitatu ditu.

Polita izan daiteke

2011-06-15T09:34:00.002+02:00

Hizkuntza erabileraren VI. neurketa

Dakizun moduan aurten Euskal Herriko Kaleetako Hizkuntza-erabileraren VI. neurketa egingo du Soziolinguistika Klusterrak. Horretarako, neurtzaile-kopuru handi bat bildu behar dugu epe laburrean datu-bilketa osoa egiteko.

Neurtzaile izateko eskaera egiteko epea zabaldu dugu eta mezu honen bitartez gonbidapena egin nahi dizugu proeiktu honetan parte hartzeko. Helburu horrekin jarri dugu beheko koadroan baliogarri izango zaizun informazioa. Eskertuko dizugu, gainera, zure inguruan mezu hau hedatzeko moduan izango bazina ere.

Interesik izanez gero, edo informazio gehiagorik nahi izanez gero, jar zaitezke gurekin harremanetan edo Sakanako Mankomunitateko euskara zerbitzuarekin (euskara@sakana-mank.com).

Mila esker zure laguntzagatik.

Olatz Altuna o.altuna@soziolinguistika.org eta Belen Uranga

b.uranga@soziolinguistika.org

Ikasturte akaberan...

2011-06-11T16:28:00.005+02:00

Ikasturtea despeditzen ari gara gutxinaka-gutxinaka. Sakanako taldeak ere bai, nor bere modura, hori bai!

Altsasuko goizeko taldekoek udan ere segitzeko asmoa daukate.

Altsasuko arratsaldekoek ez. Atseden hartuko dute, baina emaitza onekin: batek EGA lortu du eta besteak Hizkuntza Eskolako bere etsaminen noten zain.

Irurtzungoek heldu den 27an, ikasturte akaberako "merendola" eginen omen dute. Tripa beteta, jakina!

Azkenik, Etxarrikoek udan, posible den neurrian (badakigulako denok uda nolakoa den, hona eta hara, bidaiak, oporrak... ) biltzen segituko dute.

Denei, UDA ON!

Sakandarren liburu uzta- ERREPORTAJEAK - Guaixe.net

2011-06-10T11:01:00.000+02:00

Sakandarren liburu uzta- ERREPORTAJEAK - Guaixe.net

Uda + denbora librea + euskara????

2011-06-09T17:32:00.003+02:00

Zein da batuketa horren emaitza?

Barnetegia oinez, mendiz mendi
edota barnetegia bizikletaz, errepidez errepide...
Informazio gehiago http://www.ibiltaria.aek.org/ helbidean.

Gaur TESTU BAZKA!

2011-06-08T10:16:00.003+02:00

Garagarrileko bi saioekin despedituko da aurtengo Kima euskara taldearen literatura eskaintza: Testu bazka. Oporren aurreko bi saio hauetan nobela beltza ezagutzera gonbidatu nahi zaituztete. Bertako eta kanpoko nobela beltzak. Gizartearen erretratatu den estilo hori ezagutu nahi duenak hilaren 8an du horretarako aukera.

Polizia, ustelkeria, hilketa, tabako ke eta bestelako osagaiez gozatu nahi duenak 19:00etan du hitzordua Gure Etxea eraikinean jarrita (2. solairuan, mahai beltza duen gelan). Toki eta ordu berean, baina hilaren 22an despedituko da ikasturte honetako literatura bidaia.

Ez dakienarendako, argituko dugu Testu bazka-ren bidez euskarazko literaturan barna bidaiatzeko aukera eskaintzen duela Kima euskara taldeak. Zer den? Testu bazka lagundutako irakurketa bat da. Denen artean euskarazko testu labur bat irakurtzearekin hasten da saioa. Ondoren, saioaren gidariak proposatutako galderen bidez, guztien artean, testuari mamia, zukua, sekretuak, egitura eta beste ateratzen saiatzen gara.

Irakur zaletasuna dutenei, literatura maite dutenei, idazketaren sekretuak ezagutzea maite dituztenei edota euskaraz hitz egin nahi duten guztiei Kima euskara taldeak parte hartzeko gonbitea egiten die. Antolakuntza errazteko, eskertuko genizueke aurretik izena ematea, bezperara arte duzue horretarako (Altsasuko udal liburutegian, Itsasi euskaltegian edota altsasuneuskaraz@euskalerria.org helbidean). Hori egin eta on egin diezazula literatura-bidaiak. Bizi euskaraz.

Euskaraz aritzeko aukera ematen dute

2011-06-06T17:19:00.007+02:00

Informazio hau lortzeko iturria www.guaixe.net

Bi elkarte hauetako bazkide asko, gehienak ez esateagatik, euskaldunak dira.
Eta egiten dituzten proposamenak interesgarriak dira oso.

Lugorri produktu ekologikoen elkartea Sakanan produktu ekologikoak zuzenean eskuratzeko gunea da Lugorri, inguruko nekazari eta abeltzainekin harremanetan jarriz edo hornitzaile desberdinei eskatuz. Bertako produktu ekologikoen alde egiten du Lugorrik, urtaroko produktuen alde, ekoizleen eskutik gure etxeetara datorrena. Lugorriko partaide egiteko 50 euroko kuota bakarra eskatzen da. Zer aurkitu daiteke Lugorriko Lakuntzako dendan (Mankomunitatearen parean): fruta, barazkiak, ogia, ardoa, olioa, gazta, arroza, pasta, gailetak, txokolatea, haragia, behi esne eta esne begetalak, eztia, arrautzak, garagardoa, lekaleak, ozpina… Informaziorako: 656 711 130 (Gorka) eta 680 142 007 (Alazne). Ingelera doan ikasi nahi al duzu? Belarra ebakiko al dizut?
Trukatu zure denbora. Ordu bat=ordu bat. Eska ezazu informazioa Larrezabal denboraren kutxan, larrezabaldk@inigoaritza.com posta elektronikoan.

Gaur Sakandarren eguna

2011-06-05T11:33:00.003+02:00

Nobela beltza testu bazkan!!!!

2011-06-04T12:50:00.002+02:00

Altsasuko KIMA euskara taldeak antolatuta.

Testu bazka: Nobela beltza
Ekainaren 8an, asteazkena, 19:00
Gure Etxean - Altsasu.

Aurretik izena eman Iortia Kultur gunean.

Ipuin irabazlea

2011-05-31T11:32:00.006+02:00

TRIANGELU BARRUAN

Lehen lehenik, kokatuko dizuet non gertatu zen istorio hau:
Aizkorriren, San Miguel mendiaren eta Urbasaren artean lerro bat trazatzen badugu triangelu bat ikus dezakegu; ba justu triangelu horren erdian, Sakanako hiriburua kokatuta dago.
Hau ikusi eta gero, jarraituko dut esaten hiriburu hau oso famatua zela, bere garaian, trenbideagatik. Hiriburura, egunero, posta-trenak, ibilbide luzeko trenak, tren expresoak ailegatzen ziren. Geltokia merkantziaz eta jendez beteta zegoen. Hiriburuaren bizitza trenaren inguruan mugitzen zen.Egun horietako batean, egunsenti argidun eta politarekin etorri zen.
Geltokian, jendea tren barruan eserita zegoen. Bat-batean, geltokiko nagusiaren txilibitua entzun zen eta Iruñerantz martxan jarri zen. Momentu berean, konboiak abiadura hartu baino lehen laino itxia agertu zen.Ezin zuen ezer ikusi! Treneko makinariak abiadura gehiago eman zion trenari, ia ia ikusi gabe! Geralekura ailegatu aurretik, Sorgingainbera dermioan, zarata iskanbilatsu bat entzun zen. Ia ia eguerdia zen. Jendeak ikusi ezinik ez zekien zer egin! Pentsatu zuten harrobiko tiro handia izango zela!
Elizaren kanpaiak jotzen hasi ziren eta, pixkanaka pixkanaka, laino itxi hori desagertu zen.
Zer gertatu zen inork ez zekien baina, ordu bat geroago, tren-geltokian Iruñetik alarma-hotsa jaso zuen:
“ Altsasutik trena ez da ailegatu Iruñera”.
Geltokitik Iruñeraino begiratu behar izango zuten!
Ez zen beharrezkoa izan.Sorgingainbera dermiora iritsi zirenean, han bertan, ikusi zuten non desagertu zen. Errailen zati bat desagertu izan zela ikusi zuten. Trena jendearekin ere ez zegoen. Bakarrik desagertutako jendearen agiriak!
Desagertutako inor ez zen Sakanakoa edo hiriburukoa baina bere jendeak beldur handia hartu zuen.Gertaeraren ikerketak egin zituzten baina alferrik!
Beste aldetik, garai honetan kaputxino jakintsu bat etorri zen hiriburura. Esaten zutenez gertakari arraroetan aditua.
Alkateak, bere herritarren beldurra laino itxi hori agertzen zen bakoitzean ikusita, kaputxino jakintsuarekin hitz egitea erabaki zuen.
Kaputxino adituaren azalpena hau izan zen:
-Fenomeno arraro hau ez da izango hain arraroa Sakanako triangelu barruan.
Alkateak, hasieran, pentsatu zuen aditua erotuta zegoela. Baina, gertaeraren ikerketek ez zuten argitu ezer; orduan, zergatik ez entzun aditu horri?
Kaputxinoa bere ideia azaltzen hasi zen.
Marraztu zuen plano sinple bat ondo azaltzeko zein zen triangeluari buruzko bere teoria:
-Fenomeno arraro hori bakarrik triangelu barruan gerta daiteke eta, beti, laino itxiarekin.
Alkateak -gerta daiteke - entzutean beldurra hartu zuen eta galdetu zion:
-Nola? Berriro gerta daiteke?.
Kaputxinoak erantzun zion baietz.
Alkateak, orduan, galdetu zion:
-Zerbait egin dezakegu?.
Kaputxinoaren erantzuna oso zuzena zen:
-Dudarik gabe.
1- Oraingoz, elizaren kanpaiak jo beharko dituzte hamabost minutuz eguerdian, Maiatzaren gurutzetik Irailaren gurutzea arte.
Alkateak galdetu zion:
- Zertarako?
-Ba, kanpaiak jota jendeak erreferentzia bat izango du ez galtzeko laino berezi hori agertzen denean.
2- Bigarren gauza eta garrantzitsuena:
-Bost Eguzki-lore hartu beharko dituzue baina leku berean. Eguzki-loreak ondo kokatuak eta gero, sorginkeria desagertuko da.
Alkateak:
-Zein sorginkeria? Zuk esan diguzu fenomeno arraroa zela.
Kaputxinoak:
-Bai. Baina, trena desagertu zen Sorgingainbera dermioan, ezta? Orduan, beste sorginkeria bat sortuko dugu fenomeno hori desagertarazteko.
Alkateak, oso pentsakor, esan zion bere azalpena jarraitzeko.
Kaputxinoak horrela jarraitu zuen:
-Irudizko erronboa trazatu beharko duzue. Hegoaldetik iparraldera oso
goian dagoen gurutzetik begiratuz ikusiko duzue Aizarte harkaitza kokatuta
dagoen harrobia. Eguzkialdetik mendebaldera hiru elizak topatu beharko
dituzue.
Alkatea azalpen artean galdu zen. Ez zekien nondik hasi eta Kaputxinoari
esan zion marrazkia egiteko.
Kaputxinoak pazientzia handiarekin horrela egin zuen.
Alkateak: -Beno, irudizko erronboa trazatu eta gero, zertarako behar
ditugu bost Eguzki-loreak?.
Kaputxinoak: -Lehena , Bargagaingo gurutzean harrobirantz begiratzen
Kokatuko duzue. Bigarrena, eliza nagusian Kaputxinoen elizarantz begira.
Hirugarrena, Kaputxinoen elizaren gurutzetik eliza nagusirantz abiatuta. Bi
azken horien artean geratuko da Donibane baseliza, erronboaren erdian.
Eta azken Eguzki-lorea Aizarte harkaitzean Bargagain gurutzerantz abiatu-
ta jarriko duzue, erronbo guztia mugarritzea. Eguzki-loreak Donibane egu-
nean goizez jarrita egon behar izango dute.
Alkateak, ezer ulertu gabe, galdetu zion irudizko erronboa zertarako be-
harko zuten.
Kaputxinoak bi triangelu itsatsita direla azaldu zion. Donibane egunean, bi
triangelu artean dagoen baselizaren kanpaiak jotzen hasi direnean harrobian
izugarrizko tiro bat bota egin behar duzue. Hau guztia egiten baduzue laino
itxia ez da agertuko eta, ondorioz, sortilegioa ez da berriro gertatuko.
Alkateak herritarrei gauza guztiak prestatzeko esan zien.
Eguna ailegatu zenean dena prest zegoen eta, azkenean, lortu zuten kapu-
txinoaren proiektua burutzea.
Arazo hori iluna da oso, guztiz zaila da horri buruz ezer jakitea . Baina,
badaezpada orain arte, eliza Nagusiaren kanpaiek jotzen jarraitu dute.

Autorea: Sorgingainbera

Hara! Saridunak!

2011-05-25T19:34:00.002+02:00

Tartean Maite.
A! eta euskaltegiko hainbat ikasle. Harro gaude beraiekin ere.

Ipuin lehiaketako sari banaketan izan gara

2011-05-24T20:15:00.003+02:00

Maite A. (saria jasotzen), Maite M., Uxue, Marta eta Idoia.

Polita izan da.

Argazkiak geroago.

Testu bazkaren maiatzeko 2. saioa

2011-05-22T13:39:00.007+02:00

Maiatza akaberan ere izanen da literaturan barna bidaiatzeko aukera, Testu bazka-ren bidez, Kima euskara taldeak antolatuta. Hemendik gonbidatzen zaituztegu altsasuar literaturzale guztiei. Eta maiatzaren 25erako zein izanen da gure topaketa literarioan hizpide jarriko duena?

Miren Agur Meaberen Bitsa eskuetan liburua hain zuzen ere.

Hilaren hasierako saioan Arantxa Urretabizkaiaren 3Mariak lana ezagutzeko aukera izan zuten. Bi liburuek ere Espainiako kritikaren saria jaso dute.
19:00etan Gure Etxea eraikinean (2. solairuan, mahai beltza duen gelan). Antolakuntza errazteko, eskertuko genizueke aurretik izena ematea, bezperara arte duzue horretarako (Altsasuko udal liburutegian, Itsasi euskaltegian edota altsasuneuskaraz@euskalerria.org helbidean). Hori egin eta on egin diezazula literatura-bidaiak.

Bizi euskaraz.

Ekainaren 3ko gauerako plana

2011-05-19T13:07:00.004+02:00

SORKUN musikariaren emanaldi akustikoa.

Ekainaren 3an, ostiralarekin, 22:00etan Etxarri Aranazko kultur etxean.

Topagunearen BAT BIRA LAU euskal kulturaren Nafarroako zirkuituaren barruan.

Altsasuko KIMA euskara taldeak

2011-05-17T17:49:00.000+02:00

Lekukoa konpartitzen (11/05/04)

Kaixo, lagunok.

Oraingo honetan Mintzakide egitasmoari buruz solastu nahi dizuegu, beharbada zuetako batzuek ezagutzen duzue eta badakizue zertan datza, eta apika beste batzuek ez.

Eta Mintzakide zer da? Ba oso egitasmo polita eta beharrezkoa: Euskara ikasten ari direnei aukera ematea euskaltegitik kanpo euskaraz aritzeko.Nola? Horretan dakigunok ezinbestekoak gara behar dutenei laguntzeko, mintzalagun bilakatuko ginateke parte hartu nahi izanez gero eta astero elkartu apuntatu diren ikasle hauetako batzuekin nahi duguna egiteko: kaferen bat hartu, kartetan aritu, txangoak... adostutako orduetan.

Erakargarria da, ezta? Aurten, berriro, Korrika dago eta guri zera datorkigu gogora, lekukoaren kontua.Lekukoa esku batetik bestera pasatzen, azken batean euskara guztion artean eramaten, guztiok euskarari eusten, laguntzen. Argi dago hizkuntza bat, edozein hizkuntza, dakitenek osatzen dutela eta gure kasuan euskaldunok osatzen dugu euskara.

Esana dago euskaldunok eskuzabalak garela eta eskuzabaltasunaren froga garbia konpartitzea da. Horixe da Mintzakide jarduera, euskaldunak izan nahi duten beste batzuekin euskara konpartitu, euskara den lekukoa konpartitzea.

HARRO GAUDE!

2011-05-16T09:51:00.003+02:00

Mintzakide gisa, ofizialki, batek baino ez bazuen parte hartu ere Euskaltegiko ikasleek ipuin lehiaketan, badago beste bat ere parte hartu zuena.

Pertsona hau Mintzakidea izateaz gain, euskaltegiko ikaslea da ere.

Beno, ba, kontua da pertsona horrek, bere kategorian IRABAZI EGIN DUELA! EPAILEEK BERE IPUINAK SARIA MEREZI DUELA ERABAKI DUTELA!

Zorionak, Maite!!!!

EMAN TA ZABAL ZAZU

2011-05-15T11:54:00.002+02:00

Duela gutxi Altsasuko taldeetako batean beste euskaldun bat hasi zen kafe-solasaldia elkarbanatzen. Baina, zorionez/zoritxarrez berehala galdu genuen, lana aurkitu baitzuen.

Orain Etxarri Aranatzeko taldera hurbildu zaigu euskara-paseoa egin nahi duen etxarriar jator bat. POZIK GAUDE!

Pixka bat penatu gara, baina poztu ere bai.

2011-05-12T09:06:00.000+02:00

Pixka bat penatu gara, baina poztu ere bai. Biak. Altsasuko ostegun arratsaldetako taldean parte hartzera animatu zen altsasuar bat, azkenean!!! (kanpaina egin eta gero). Aste pare batez bertan izan genuen eta... lana lortu zuen eta akabo! Beraz, triste gaude ezin duelako taldean jarraitu; baina, aldi berean, pozik gaude bi urte zeramazkielako langabezian.

Mintzakide garenok eguna elkarrekin pasatzea???

2011-05-10T09:19:00.001+02:00

Zer iruditzen zaizue?

Mintzakideendako eta euskaltegiko ikasleendako ipuin lehiaketako irabazleak...

2011-05-09T12:12:00.002+02:00

Zein dira aurtengo ipuinik politenak (epaileen ustez). Denak baitira dibertigarri eta onak.

Beno, bada, heldu den maiatzaren 24an jakinen dugu, Etxarri Aranazko Kultur Etxean eginen den sari banaketan.

Ai!!!! Hau urduritasuna!!!!!!

Gutako nor ez da gaztelaniara pasatu, aurrean daukagunak euskaraz ez dakielakoan?

2011-05-06T10:21:00.002+02:00

Zergatik hasten gara zuzenean gaztelaniaz taberna edo denda batean edo sartzerakoan?

Askotan, arrazoi garbirik gabe, hizkuntza aldatzen dugu.

Batzuetan ez gara konturatzen ez dela beharrezkoa hizkuntza aldatzea.

Askotan pentsatzen dugunaren kontra, ez da edukazio txar kontua.

Ikastaro honetan lasai eta eroso aritzeko proposamenak egingo dizkigute.

Euskara erabiltzerakoan seguru eta ongi senti gaitezkeela konturatzen lagunduko digute.

TELP tailerra

tailerraren egunak eta ordutegia

maiatzak 13, 17:00-20:00 h

maiatzak 14, 09:30-13:30 h.

hizkuntza: euskara

izen-ematea maiatzaren 5ean, 6an eta 9an

Arbizuko udaletxean edo idazkaritza@arbizu.info helbidean

matrikula: 20 € (ikastaro osoan parte hartzen dutenek bueltan jasoko dute)

kontu zenbakia: CAN 2054 0059 12 1100000867 kontzeptuan TELP + izen-abizenak jarri

postaz elektronikoz izena emateko, adierazi izen-abizenak, jaiotze-data, lanbidea eta harremanetarako telefonoa eta posta helbidea.

ikastaroari buruzko informazio gehiago jasotzeko: 948 464840 edo euskara2@sakana-mank.com

Maiatzeko Aizu!-n gaude!!!!

2011-05-03T19:51:00.001+02:00

Aizu! aldizkarian gaude!!!!

2011-05-02T12:21:00.001+02:00

Eta "guapo-guapo"!
Sarri hemen irudia.

Oraindik garaiz gaude TESTU BAZKAra joateko.

2011-04-19T09:09:00.000+02:00

Egun aldaketa izan da.

Udaberriarekin batera zuhaitzei hostoak bueltatzen zaizkien moduan, gurera ere orriak bueltatzen dira. Literatur lanena. Testu bazka-ren bidez. Oraingo honetan Kima euskara taldeak Aste Santua bertan dugula baliatuta kristautasunaren liburu saindua, Biblia ezagutzeko aukera eman nahi dizu. Zehazki, bere Bibliako liburuki batzuk. Hitzordua hilaren 20an, asteazkenean, jarri dugu, 19:00etan Gure Etxea eraikinean (2. solairuan, mahai beltza duen gelan).

Testu bazka-ren bidez euskal literaturan barna bidaiatzeko aukera eskaintzen du Kima euskara taldeak. Testu bazka lagundutako irakurketa bat da. Denen artean euskarazko testu labur bat irakurtzearekin hasten da saioa. Ondoren, saioaren gidariak proposatutako galderen bidez, guztien artean, testuari mamia, zukua, sekretuak, egitura eta beste ateratzen saiatzen gara.

Euskalakariak gara eta harro gaude!!!!

2011-04-17T14:32:00.000+02:00

Euskalakariak gara eta harro gaude!!!!

Literatura testuei zukua ateratzeko!!!!!

2011-04-13T09:12:00.001+02:00

Udaberriarekin batera zuhaitzei hostoak bueltatzen zaizkien moduan, gurera ere orriak bueltatzen dira. Literatur lanena. Testu bazka-ren bidez. Oraingo honetan Kima euskara taldeak Aste Santua bertan dugula baliatuta kristautasunaren libur saindua, Biblia ezagutzeko aukera eman nahi dizu. Zehazki bere Bibliako liburuki batzuk. Hitzordua hilaren 13an, asteazkenean, jarri dugu, 19:00etan Gure Etxea eraikinean (2. solairuan, mahai beltza duen gelan).

GAINEAN DAUKAGU IPUIN LEHIAKETA ETA...

2011-04-12T20:22:00.002+02:00

Badago ipuina egitera animatu den Mintzakiderik!!!!

Aupa!!!!

APIRILEKO TESTU BAZKA

2011-03-28T18:49:00.002+02:00

Udaberriarekin batera zuhaitzei hostoak bueltatzen zaizkien moduan, gurera ere orriak bueltatzen dira. Literatur lanena. Testu bazka-ren bidez. Oraingo honetan, eta Aste Santua bertan dela baliatuz, Kima euskara taldeak Biblia ezagutzeko gonbite egiten dizu. Zehazki Kantarik ederrena liburukia eta beste batzuk. Hitzordua hilaren 6an, asteazkenean, jarri dugu, 19:00etan Gure Etxea eraikinean (2. solairuan, mahai beltza duen gelan).

ORRITZ DANTZA TALDEAREN JAIALDIA

2011-03-25T09:41:00.002+01:00

Badira urte batzuk Udaberriko Dantza Jaialdia ospatzen ez zela Irurtzunen.

Orritz Dantza Taldeak antolatuta eta Irurtzungo udalaren laguntzarekin, aurten kanpoko 2 talde eta Orritz anfitrioiaren artean Dantza Jaialdi koloretsua eskainiko dute datorren astean, martxoaren 26an Irurtzungo Frontoi estalian arratsaldeko 20:00etan. Sarrera dohainik da eta ASTURIASko Lugonesetik etorritako LA SIDRINA taldeak, BEASAINgo AURTZAKA Dantza taldea eta ORRITZek ordu beteko Dantza saioa beteko dute.
Elkartruke folklorikoa da eta horregatik eta eguraldiak laguntzen badu, 19:00etan Kalejira bat egingo dute talde guztiek herrian zehar bakoitza bere musika eta trajeekin. Gainera lanak ondo bukatu ondoren elkartutako talde guztiek elkarrekin afalduko dute. Geroago FOLKLORE FESTA egingo da PIKUXAR Euskal Txokoan. DJ ELEPUNTO egonen da gaueko 00:30etik aurrera.

Denak zaudete gonbidatuak ORRITZek ilusio handiz antolatzen eta eskaintzen duen jaialdi honetara!!
A! Eta Asturiarrak ikusteko gogotan geratzen denak aukera izango du igandean ere, LAKUNTZAn dantzatuko baitute berriro 13:15ean plazan.
Kartel polit hau, Ibai Viñas artista Irurtzundarrak diseinatu du. Eskerrik asko Ibai!!

Martxoko bigarren testu bazka

2011-03-16T12:14:00.001+01:00

Martxoan ere ez du hutsik eginen Testu bazka-ren bigarren saioak. Kima euskara taldeak Irati Jimenezen Zure Bonnie, nire Clyde lana ezagutzeko gonbite egiten dizu. Hitzordua hilaren 23an, asteazkenean, jarri dugu, 19:00etan Gure Etxea eraikinean (2. solairuan, mahai beltza duen gelan).

Bertsozalea zara??????

2011-03-15T18:32:00.002+01:00

KOPLA IDATZI SARIKETA

Parte hartzaileak: AEK-ko euskaltegietako ikasleak zein praktika egitasmoetako lagunak.

Egin beharreko lana: 6 koplaz osatutako bertsoaldi bat idatzi. Doinua: ama begira zazu, ikusi nuenean

Gaia: Euskalakari baten eguna

Saria: Afari edo bazkari bat sagardotegi batean, bi bertsolarirekin irabazten duen talde osoarentzat.

Azken eguna: Apirilak 1.

Nora bidali: Helbide honetara

Epaile lanak: Bertsozale Elkartea.

Oharra: Bertsoaldia idaztea eta bidaltzearekin aski da baina bertsolaritzan doinua ere ezinbesteko osagaia denez, baina koplak abestera animatu nahi zaituztegu; beraz, grabatu eta bidali. Bideoz iristen diren bertsoaldiek puntu gehigarri bat izanen dute.

Etxarriko taldekoek gozatzen dutena

2011-03-14T12:24:00.003+01:00

Hauek bistak!!!!!!!!!

Irurtzungo inauteriak bereziak izan dira

2011-03-10T17:26:00.003+01:00

Aurten, Atakondoan, Eskola Kontseiluko Jai Batzordeak , inauterien gai nagusia zein zen jakin ondoren, lanari ekin zion zenbait ekimen prestatzen, eskola girotzeko eta ikasle handiei lehentasuna emateko asmoz,. Hala bada, familia orori eskuko egitaraua helarazi ahal izateko, ikasgela guztietan marrazkiak egin ziren eta ESO – DBHko ikasleen ordezkariek hautatu zituzten egitarauan argitaratu zirenak.

Aurtengo gaia orokorra “ Munduko jantzi eta kulturak” izaki, Atakondoan dauden mundu osoko ikasleen gurasoei eskutitz bat bidali zieten , haien lurraldeetako jantziak edo apaingarriak eskolara eraman zitzaten, eskolako sarreran kokatu , eta denon artean konpartitu eta ezagutu ahal izateko. Ekimen honek arrakastatsua izan zen eta zenbait familiek oso ongi erantzun zuten , etxean zituzten jantzi eta osagarriak eramaten, erakusketa koloretsua sortuz.

Eskolako atarian eta baita egitarauan inauteri hitza sei hizkuntzatan jarri zen: Euskara, Gaztelania, arabiera , txinera, ingelesa eta bulgaroa, eskolako haurren hizkuntzek ordezkatuak egoteko.

Pasa den urtean Mari Gorri panpina ez zen erre, elurra baitzegoen eta ikasle handiek berrapaindu zuten erakusketaren protagonista izan zedin.

Zikloka, mailaka, oso mozorro alaiak eta anitzak ikusi izan ziren polikiroldegian egindako desfilean. Haur Hezkuntzakoak dragoiak eta guzti lagunduta, txinatarrez jantzi ziren. Lehen Hezkuntzako hiru mailek zuluez, eta maila batek arabiarrez egin zuten desfilea. Bigarren zikloko guztiak mexikarrak bihurtu ziren . Hirugarren zikloan barietate handia izan zen: ekuatoriarrak , indioak, hawaiarrak eta Kolonbiarrak izan ziren goiz batez. DBHkoak Andaluziako jantzi eta dantza erakutsi zituzten eta baita Historiari bisita eman zioten erromatarrez mozorratu baitziren. ESOko ikasleriak ez zion eutsi inauteriari eta zenbait neskak salbatu zuten beren txanda eskozesaz jantzita .

Desfilea bukatu ondoren, ikasleria geletara abiatu zen , Apymak emandako gosaria gustura jatera. Eguraldia kaxkarra egin arren, kalejira animatua baina motza, egin ahal izan zuten ikaslek, irakasleek eta guraso eta herritarrek, udalak ordaindutako txarangaren musikaz lagunduta, Etxera joan aurretik; Mari Gorri panpina erre egin zuten, datorren urtean berriz, paperezko bihotza izan ahal izateko, eta urtean zehar igarotako ezak eta une txarrak suak berarekin eraman zitzan.

KIMA taldekoen hausnarketa

2011-03-10T17:22:00.005+01:00

Kaixo,

Berriki bukatu da ikastetxeetan aurre-matrikula egiteko epea. Iaz Sakanan 5 haurretik, 4 D ereduan matrikulatu ziren. Emaitza ona da eta lan eta ahalegin handien fruitua.

Urteekin, D ereduak erakutsi du kalitatezko irakaskuntza dela. Haur euskaldunek nahiz erdaldunek bi hizkuntza ofizialak ikasi eta emaitza onak lortzen dituzte; baita atzerriko hizkuntzetan ere. Orain ezin da esan aspaldian esaten zen bezala: “Vasco ser, ir a la escuela y no aprender”

Baina kasu honetan, botilaren alde hutsari begiratu nahi diogu. Izan ere, ikasleen %20k, D ereduan ikasten ez dutenek, ez dute euskara maila ona lortuko. Sakanan, Euskal Herriko toki askotan ez bezala, aukera dago bi hizkuntza ofizialak ikasteko. Orduan, ikasketak bukatu eta euskara ez jakitea, ez al da aukera galdua?

Gurasoek badute eskubidea haien seme-alaben ikasketa eredua aukeratzeko. Baina eskubide horren gainean, badago seme alaben eskubidea hezkuntza ona jasotzeko. Eta gure herrian hitz egiten diren bi hizkuntzetatik bakar bat ikasten badute, hori hezkuntza ona izaten da? Zer gertatuko litzateke ikastetxe batean txinera edo arabiera edo alemana ikasiko balitz baina gaztelera ez? Esango genuke ikasle horien prestakuntza ona dela? Etorkizuna erraza izango litzateke haur horiendako?

Gizarte honetan funtsezkoa da heziketa ahalik eta onena izatea. Hizkuntz bakar bat fundamentuz ikasten bada, dela gaztelera, dela euskara, dela beste bat, esan dezakegu heziketa ona dela?

Eskolan, euskararen presentzia ez da opari bat izan. Lehen, ilegala zen, gero alegala, eta azkenean legala (mugek badiraute, baina). Aurrerapausoa herritarren esfortzuari esker lortu da, erdaldun eta euskaldunena. Nafarroako Euskararen Legearen arabera, “gure” Gobernuak Euskara sustatu behar du. Baina gai hau, ez al da garrantzitsuegia Gobernu baten eskuetan uzteko? Gure inguruan, guk ere sustatu al dezakegu Euskara? Erantzuna, zuek eman.

Kima euskara taldea

www.altsasuneuskaraz.com

Irakurri eta zabaldu!!!!!!!!!!!!

Ondo Izan

Inauteriak, inauteriak eta inauteriak

2011-03-08T09:08:00.002+01:00

Altsasun

Urbasa eta Aralar mendiez inguraturik, Altzania mendiaren oinetan, Burunda eta Altzania ibaien elkargunean, hantxe dago Altsasu, Sakanako herrigunerik garrantzitsuena. Nafarroa, Gipuzkoa eta Arabaren arteko komunikazio ardatza da, bai errepidetik bai trenbidetik, eta, ondorioz, industria gune garrantzitsua da.

Badira ehun urtetik gorako etxeak, portaleak eta bao txikiak dituztenak; guztiak Jasokundearen Andre Mariaren elizaren inguruan. Elizaren barrualdean, erretaula erromanista aparta ikusi daiteke, horren eskulturek eta polikromiak ezin estimatuzko kalitatea dutelarik.

Foru plazan Jose Ulibarrenaren eskultura bitxia dago ikusgai. Antzinako intxaurrondo batez baliaturik, irudi ezberdinak landu zituen, Altsasu funtsean zer den bikain irudikatzen dutenak: ohitura errotu-errotuak, mitologia, natura, pilota eta musika.

Herriaren erdialdean, lorategi batean, tren-makina "japoniar" elektriko bat jarri da, Espainiako trenbideen sarean ibili zen mota horretako lehenbizikoetako bat. Berez, museo pieza izateaz gainera, Sakanako turismo bulego berriaren egoitza da.

Herritik hurbil, Otadiako Kristo mirarigilearen baseliza altxatzen da; barruan, erretaula barroko batean, XVI. mendeko Kristoa ikus daiteke.

Unanun

"Mamuxarroak" jantzi zuriaren gainean gerriko gorria, aurpegia ezkutatzeko metalezko maskara eta buruaren nahiz lepoaren gainean koloretako zapia daramaten pertsonaiak dira. Makila luzeak eskuan, bidean topatzen dituzten guztiei mehatxuka eta joka aritzen zaizkie.

Ohitura da euren biktimak, neskatxak normalean, harrapatuak izan ondoren belauniko jartzea, eta "mamuxarroak" kopetan gurutzea egin eta gero neskatxak belaunean muin eman behar izatea.

Irurtzungo inauteriak

2011-03-03T11:57:00.002+01:00

Martxoko testu bazka

2011-03-01T11:57:00.001+01:00

Martxoan ere ez du hutsik eginen Testu bazka-k. Kima euskara taldeak Eider Rodriguezen Katu jendea lana ezagutzeko gonbite egiten dizu. Hitzordua hilaren 9an asteazkenarekin jarri dugu, 19:00etan Gure Etxea eraikinean (2. solairuan, mahai beltza duen gelan). Astearte inauteriaren ondoren hain justu.

Abisatu genuen!!!!!

2011-02-27T14:24:00.002+01:00

Gaurko, otsailaren 27ko, BERRIAn.

Bierrik fundaziokoei, eskerrik asko-asko!!!!

2011-02-23T13:50:00.001+01:00

Eskerrik asko!

Sakanako mintzakideen artean banatzeko agendak opari egin dizkigute.

Gaztelaniaz dago baina..

2011-02-21T11:19:00.002+01:00

Aprender idiomas previene el Alzheimer

Un panel de expertos en Washington manifestó que aprender idiomas es la mejor gimnasia cerebral que existe, debido a que no sólo proporciona la capacidad de comunicarse con otras personas, sino que además previene demencias seniles como el Alzheimer.

Durante la reunión anual de la Asociación Estadounidense para el Avance de la Ciencia (AAAS), los investigadores sostuvieron que los estudios realizados con individuos en diferentes etapas de aprendizaje han demostrado que las personas que hablan diferentes idiomas tienen mayores capacidades de concentración y aprendizaje.

(Con información de Efe)

IRURTZUNGO ESKOLAN D EREDUA GORA ETA GORA

2011-02-19T14:42:00.001+01:00

IRURTZUNGO ESKOLAN D EREDUA GORA ETA GORA

2009. urtean 42 haur jaio ziren Atakondoa eskolara heldu den urtean etortzekoak izango direnak.

Aurre-matrikula epea bukatu berria denean, horrelako datuak jaso dira:

- Irurtzundarrei dagokienez, 22 jaioetatik 19 aurrematrikula egin dute. 13 haur D ereduan eta 6 A erduan.

- Arakilen, 10 haur jaio ziren. 7 haurren izenak bildu dira: 5 D ereduan eta 2 A ereduan.

- Iza Zendean, 4 haurretatik 3 matrikulatu dituzte eta hiruak D ereduan.

- Imotzen, 2 haur besterik ez daude eta biek euskaraz ikasiko dute, Goñi Haraneko Azantzatarra den haurtxoa bezalaxe.

Beraz, batuketak eginda, 26 haurrak D ereduan ikasiko dute eta 8 A ereduan.

Datu hauek guztietatik ondorio argi bat atera daiteke. Datorren urtean 3 urteko D ereduko bi ikasgela egongo direla. 26 haurren gurasoek euskaraz hezi eta hazi nahi dituztelako. Berriro, aurten bezalaxe, txikitxoen bi ikasgela egongo dira.

Euskara gora eta gora. Eskola estu-estu geratzen ari bada ere.

ETBn euskaldunak erderaz ez aritzearen alde 2.400dik gora sinadura astebetean

2011-02-18T11:29:00.002+01:00

Euskal Telebistako agintari eta langileei eskatu nahi diegu aspaldiko praxia aldatu eta ez eskatzeko euskaldunei erdaraz egin dezaten. Ezer eskatzekotan, euskaraz egin dezaten eska diezaietela". Horixe diote Interneten ETBri eskaera luzatu eta sinadura bilketa martxan jarri dutenek.

Euskal Telebistari euskal hiztunak erderazko adierazpenak egitera ez behartzeko eskatuz kanpaina jarri du martxan Interneten herritar talde batek. Gaur astebete, 2011-2-2an, abiatu zuten kanpaina, eta aurreneko astebete horretan 2.400dik gora sinadura jaso dituzte.

Jarraian datorrena da ekimena bultzatu dutenek jendearen atxikimendua jasotzeko prestatu duten adierazpena eta eskaera:

Euskaldunak euskaraz ETBn

"Hainbat erakunde ofizialetan euskaraz hizketan datorrenari erdaraz egin dezan eskatzea aspaldi debekaturik dagoen arren, egoera hori egunero ematen da oraindik non eta Euskal Telebistan.

Elkarrizketak, adierazpenak, e.a. euskaraz eta erdaraz bietan egitea ohitura zaharra da Euskal Telebistan. Zoritxarreko praxi horren ondorioz, euskara ikusezin bihurtzen da euskaraz bizi ez diren herritarrentzat, eta euskaltzaletasuna ikusezin bihurtzen da herritar guztientzat.

Euskaraz nahiz erdaraz berdin hitz egin ahal izatea gauza ederra da. Baina bietan berdin hitz egin ahal izateak ez du esan berdin zaigula batan ala bestean jardutea. Ez luke hala behar behinik behin, zeren egunen batean herri honetako elebidunei berdin bazaigu euskaraz ala erdaraz egitea, euskara galbidean dela esan ahal izango dugu.

Euskaldunak Euskal Telebistan erdaraz hizketan agertzeak ondorio kaltegarriak ditu euskararentzat. Adornuko hizkuntza bihurtzen du, euskaraz esandako guztia gero erdaraz errepikatzen delako. Zalapartarik gabeko euskaltzaletasun naturala estali eta ezkutatu egiten du.

Eredugarri gerta daitezkeen pertsonak behin eta berriz adierazpenak euskaraz egiten ikusteak (erdal kanalean azpitituluz osaturik) euskaltzaletasuna ereiten du ikusleen bihotzean emeki eta etengabe. Euskara hobesteko mezu subliminala dakar. Pertsona horrek euskararen aldeko hautu pertsonala egin duela erakusten du apalki eta zalapartarik gabe. Gaur egun eskaintzen zaigun euskara eta erdararen arteko berdintasun axolagabea berriz, euskararen galgarria gertatzen ari da, gure gizartean gero eta maizago ikus dezakegunez.

Azpian sinatzen dugunok, Euskal Telebistako agintari eta langileei eskatu nahi diegu aspaldiko praxia aldatu eta ez eskatzeko euskaldunei erdaraz egin dezaten. Ezer eskatzekotan, euskaraz egin dezaten eska diezaietela.

Euskal Telebista euskararen mesedetan lan egiteko sortu zen, baina helburu horri beste batzuk nagusitu zaizkiola bistan da. Dena den, gainerako eztabaida gaiak oraingoz bazter utzi eta adostasunik zabalena iristearren azpian sinatzen dugunok, Euskal Telebistako agintari eta langileei eskatu nahi diegu aspaldiko praxia aldatu eta ez eskatzeko euskaldunei erdaraz egin dezaten. Ezer eskatzekotan, ETB zertarako sortu zen une batez oroituz, euskaraz egin dezaten eska diezaietela.

Euskaldunak Euskaraz ETBn".

Eskaeraren alde sinadura edo botoa emateko webgunean bertan ikus daiteke zenbat atxikimendu jasotzen ari diren.

Gogoan al duzue ipuinena?

2011-02-17T09:20:00.002+01:00

Mankomunitateko Euskara Zerbitzuak euskaltegietako ikasleei zuzendutako lehiaketaren 7. edizioa deitu du. Altsasuko Kima euskara taldeak urtetan antolatu du lehiaketa, baina taldearen jardueren etenaldiaren ondoren, aurten Sakanako Mankomunitateak hartu du testigua.
Lanak apirilaren 30era arte aurkez daitezke Itsasi euskaltegian edo Sakanako Mankomunitatean. Irabazleek liburu sorta ederrak jasoko dituzte.

Animatu eta parte hartu!!!!!!!!!!!!!!!!!!!!!

Testu Bazkaren otsaileko saioa.

2011-02-17T09:15:00.001+01:00

Kima euskara taldeak jakinarazi nahi du Testu bazka-ren otsaileko bigarren saioa bertan dela. Otsailaren 23an izanen da, asteazkenarekin, 19:00etan Gure Etxea eraikinean (2. solairuan, mahai beltza duen gelan). Otsaileko bigarren saio honetan Lourdes Oñederraren Anderson anderearen gutizia lana ezagutzeko aukera izanen dugu. Testu bazka-n biltzen diren dozena erdi literatur zaleen taldera biltzeko gonbitea duzu hau.

Taberna-promo 3

2011-02-15T09:20:00.000+01:00

Bigarrena!!!!!!!!!!!!!!

2011-02-10T09:13:00.000+01:00

Denok horrela amaitu behar ote dugu???????

Villavesa-promo 1

2011-02-08T14:17:00.000+01:00

Heldu da ipuin lehiaketa!!!!!

2011-02-07T12:14:00.002+01:00

EUSKALTEGIETAKO IKASLEEI ZUZENDUTAKO IPUIN LEHIAKETA 2011

Oinarriak

Lehena
Lehiaketa honetan euskalduntzen ari den Sakanako edozein pertsonak har dezake parte, baita eremu bereko Mintzakide programako parte-hartzaileek ere.

Bigarrena
4 maila ditu lehiaketak: 1. mailan B1 maila arteko ikasleek har dezakete parte. 2. mailan, berriz, B2 maila arteko ikasleek. 3. mailan C1 maila arteko ikasleendako da. 4. maila lehiaketara aurkeztutako ipuinen audioendako da. Mintzakide programako parte-hartzaileek duten ezagutzaren pareko mailan parte hartuko dute. Horretarako propio azaldu beharko dute.

Hirugarrena
1. mailan, banaka edo taldeka, egile bakoitzak nahi beste testu aurkez ditzake. 2. mailan lanak banakoenak eta, gehienez ere, hirukoteenak izanen dira. 3. mailan lanak banakoenak eta, gehienez ere, hirukoteenak izanen dira, baina bakarkako lanen kasuan laguntzaileak onartuko dira grabazioa egiterako orduan. Lanen luzera norberaren esku dago.

Laugarrena
Lehiaketak aurrera egiteko gutxienez 10 lan aurkeztu beharko dira; bestela, bertan behera geldituko da.

Bosgarrena
Lanak euskara hutsean idatziko dira eta argitaratu gabeak, jatorrizkoak eta beste edozein lehiaketetan saririk jaso gabeak izanen dira.

Seigarrena
Indarkeria, sexismoa, arrazakeria edo bestelako eskubide urraketak sustatzen dituzten lanak ez dira onartuko.

Zazpigarrena
Sakanari buruzko erreferentziaren bat sartzea ezinbestekoa da (tokiak, gertakari historikoak…).

Zortzigarrena
Ipuin bakoitzaren bi kopia (bakarra, audio grabaketen kasuan) aurkeztuko dira lehiaketara. Ipuina gutun-azal itxi baten barruan sarturik aurkeztuko da izenorde batez sinatua. Gutun azalaren barruan beste gutun-azal itxi bat sartuko da. Bertan egileak bere datuak eman beharko ditu: izen-abizenak, telefonoa, helbidea eta ikasketa-maila. Lanak internet bidez ere bidal daitezke (egileen datuekin batera) euskara@sakana-mank.com helbidera. Pdf formatuan egon behar dute eta ezin dituzte 5 mega baino gehiago izan.

Bederatzigarrena
Sakanako Mankomunitateak izendatuko du epaimahaia. Epaimahaiaren epaia apelaezina izanen da.

Hamargarrena
Lanak apirilaren 30era arte aurkez daitezke Itsasi euskaltegian edota Sakanako Mankomunitatean.

Hamaikagarrena
Aurkeztutako lanak Sakanako Mankomunitatearen esku geldituko dira. Mankomunitateak lanak argitaratzeko aukera gordeko du.

Hamabigarrena
Maila bakoitzeko saridunek liburu sorta bat jasoko dute.

Hamahirugarrena
Lehiaketan parte hartzeak berarekin oinarriak onartzea dakar.