Ostiralean Palestinari buruzko hitzaldia antolatu genuen Euskaltegian.

Aurreko ostiralean Palestinari buruzko hitzaldia antolatu genuen!!
Mila esker Josemari, Jaume eta hitzaldira etorri zineten guztiei!!

8 talde martxan Sakanan!

Zortzi mintzakide talde, oraingoz

Guaixe Sakanako Astekaria 2017-11-01 17:46   Gizartea  Altsasu  Arbizu  Irurtzun  Sakana  Urdiain  Ziordia

Olaztiarrak ere animatu izan ziren Mintzakide taldea sortzera. | Ikusi handiago | Argazki originala

Sakanako mintzakide taldeak hasi dira elkartzen. Talde txikiak dira eta haietan euskara praktikatu nahi dutenak elkartzen dira. Batzuk euskara ikasleak dira, mihia askatu nahi dutenak. Besteak mihian herdoila hartutakoak eta hitz-jarioa berreskuratu nahi dutenak. Talde guztietan euskara gehiago dakiten pertsona bat egoten da, elkarrizketa biziak izateaz arduratzen dena.

Elkartu eta nahi dutena egiten dute: mahaiaren bueltan hitz egin, kafea hartu, paseatu, zinemara joan… Euskara praktikatu nahi dutenek sortutako talderen batean sartzeko aukera dute. Bestela, izena eman eta talde berria sortzeko aukera egon liteke. Horretarako, 600 482 024 telefonora hots egin, sakana_mintza@aek.eus e-postara idatzi edo Facebook-eko Sakanako Mintzakideak profilaren bidez harremanetan jarri. Gainera, www.sakanamintza.blogspot.com bloga kontsultatu dezakezu. Informazio gehiagorako Sakanako Mankomunitateko Euskara Zerbitzura edota AEKren Itsasi euskaltegira jo. Mintzakide programa doakoa da.

Mintzakide taldeak
Herria	Eguna	Ordua	Tokia
Irurtzun	Astelehena	09:00	Pikuxar
	Ostirala	17:00	Pikuxar
		Arratsaldean	Iratxo elkartean*
Arbizu	Asteazkena	17:30	Liburutegia
Urdiain	Asteazkena	19:30	Liburutegia
Altsasu	Astelehena	16:00	Koxka taberna
Ostirala		09:00	Kaixo taberna
Ziordia	Asteartea	16:00	Liburutegia
*Azaroan hasteko.

Palestinari buruzko hitzaldia/ argazki emanaldia

Ostiral honetan, Palestinari buruzko hitzaldi bat antolatu dugu. Udaberri honetan, Josemari Morcillo eta Jaume Gelabert Palestinara bidaia egin zuten eta beraien esperientzia kontatzera etorriko dira.

Animatu eta parte hartu!

Mintzakide Guaixen!

Euskara praktikatu eta bizi nahi duen jendea badago Sakanan. Baina ez du norekin euskara hitz egin. Edo euskalduna izanda euskaraz bizitzeko aukera berriak bilatu nahi ditu. Euskaraz giro atseginean eta lagun artean hitz egiteko aukera eskaintzen du Mintzakide programak. Euskara ikasten ari direnak, aritu zirenak, hizkuntza erabiliz hobetu nahi dutenak edo euskaldun gehiago ezagutu nahi dutenak izan daitezke mintzakideak.

Bospaseiko talde txikietan elkartzen dira mintzakideak, denendako egokia den egun, ordu eta tokian. Azken hori parte-hartzaileek erabakitzen dute. Tabernan, kafetegian edo paseoan elkartu daitezke. Talde bereziak sortzeko aukera ere badago, esaterako, gurasoena. Horrek ere aukera emanen luke haur eta gurasoak euskaraz arituko liratekeen jarduerak antolatzeko, parte-hartzaileek hala nahiko balute. Etxetik atera gabe ere mintzakide izan zaitezke, www.mintzanet.eus web orriaren bidez.

Izen-ematea
Doakoa da. 600 482 024 telefonoan, sakana_mintza@aek.eus e-postan edo Facebook-eko Sakanako Mintzakideak profilaren bidez egin daiteke. Gainera, www.sakanamintza.blogspot.com bloga kontsultatu dezakezu. Informazio gehiagorako Sakanako Mankomunitateko Euskara Zerbitzura edota AEKren Itsasi euskaltegira jo.